Hollandimiut issittumut tunngasunik misigisaqartinneqassapput

Universitetimi Groningenimiittumi Issittoq pillugu ilisimasaqarfiup, Artisk Centerip, ukiunik 40-nngortorsiornera malunnartiniarlugu aaqqissuussinerit assigiinngitsut pissapput.

Atuakkiortut unnuannik taallugu aaqqissuussinermi Ole Korneliussen atukkiortarnini pillugu oqaluttuariartorluni novembarip ulluisa 24-anni Groningeniliassaaq.

Hollandimi atuakkiortut tusaamasaanerit ilaat Bernlef atuakkiortut unnuanni oqalugiartunut ilaassaaq. Taassuma atuakkiaa hollandimiusut allataq, Kalaallit Nunaanni pisimasuutinneqarpoq.

Issittumi nunallit atuakkiaannit filmiliat aamma takutinneqassapput. Atuakkiortut Hans Anthon Lynge aamma Kattie Frederiksen ilaatigut atuakkiaminnit atuaassallutik.

Gronningenimi aaqqqissuussinerit aappaagu januaarip ulluisa 15-iata tungaanut ingerlanneqassapput.

Illoqqortoormiuni innuttaasut assigi, biologimit Ko de Korte-mit 1970-ikkunni assilisat, saqqummersinneqartunut ilaassapput.

Gronningenimi aaqqissuussinerit assigiinngitsut inunnit 80.000-init takuniarneqarnissaat ilimagineqarpoq.