Hollandimi politiit coronamik akiuinermut suliniutinut akerliusut tigusarigaat
Hollandimi illoqarfimmi Haagimi politiit 400-t missaat corona pinaveersaartinniarlugu suliniutit isumaqatiginagit akerliussutsimik sapaammi takutitsisisoqarnerani tigusaraat.
Akerliussutsimik takutitsiut tusintinik arlaqartut akerliussutsimik takutitsiffiusumit qimagukkumanngimmata politiit imermik seqqartaatit atorlugit akerlissutsimik takutitsisut avissartinniarsarivaat.
Akerliussutsimik takutitsisut eqqissiviilliulerput, hundrendenillu arlaqartut politiinut saassussiniarsaralutik.
Peqqarniillisimasut
Akerliussutsimik takutitsisut arlaqartut politiinut ujaqqanik milloorsimanertik pissutigalugu tigusarineqarput. Allat akerliussutsimik takutsiffiusumit qimagukkumanngitsut politiit bussiinut ikineqarlutik tigusarineqarput.
Akerliussutsimik takutitsinermik aaqqissuisut taaguuteeqarput, "Virus Vanvid " Virusip tuniluunnera akiorniarlugu suliniutinut isumaqataanatik akerliussutsisumik takutitsisut.
Akerliussutsimik takutitsut hundredenik arlaqartut arsaattartunik nuannarisalinnik aamma hundredenik arlaqartunik ilaqalermata akerliussutsimik takutitsisut peqqarniillipput politiillu akuliuttariaqarlutik.
Hollandimi coronamik tunillatsissimasut 50.000-ngajaapput. 6090-it tunnillatsissimanertik toqqutigaat.