Holger Sivertsen 74-inik ukioqarluni toquvoq
Qaasuitsup Kommuniata eqqaaniutaa ima oqaasertaqarpoq:
"Holger Sivertsen 1971-miit 2001-p tungaanut Kommunalbestyrelsimi ilaasortaavoq, qinersiviillu marluk ingerlaneranni borgmesteriunermi saniatigut KANUKOKA-p siulersuisuini aamma ilaasortaasimalluni.
Holger Sivertsen, Atassut sinnerlugu qinigaasarsimasoq, aamma Inatsisartuni 1984-miit qinersivinni marlunni ilaasortaasimavoq.
Ukiuni arlalinni Ilulissat Kommunerisimasaani borgmesteriusimasoq Ole Dorph, Siumut, Holger Sivertsen pillugu ilaatigut ima oqarpoq:
- Holger Sivertsen tassaasimavoq inuk ilakkuminartoq, quujanartuuterpassualik aammalu nipilersornermik, pingaartumik nutsugissamik, nuannarisalik.
Qaasuitsup Kommuniani borgmesteri Jess Svane, Siumut:
- Politikkimik toqqaannartumik sammisaqarneraniit ukiorpassuit qaangiukkaluartut pisut ingerlarngannut soqutiginnilluni malinnaajuarnera nuannaarutigalugu maluginiartarpara Kommuneqarfiup Allaffianut akuttunngitsumik isertarneratigut. Aamma maluginiartarpara inuit politikkikkut assigiinngitsunik tunuliaqutaqarnerat ataqqisuugaa, taamaatuuneralu maligassaavoq.
Eqqaaneqarnera ataqqinartuuli.
Inussiarnersumik
Qaasuitsup Kommunia"