Hockey inuktitut

Hockey tassaavoq timersuutit Canadami nuannarineqaleraluttuinnartut ilaat, kikkullu tamarmik timersuut taanna nuannaraat. Canadami radioqarfiullunilu tv-qarfiup CBC-p, Canadami hockeytartut siuarsimanerpaat marluk unamminerat, Inuktitut oqaluttoqarluni ippassaq aallakaatippaa. Ippassarmi ulloq tassaavoq Canadami hockeymut ulloritinneqartoq.

TV-miittartut ilisimaneqareersut Charlie Panigoniak aamma Annie Ford unammineq Inuktitut oqaluttuuffigaat.

Hockeymik unamminerup nuna tamakkerlugu Inuktitut aallakaatinneqarnera siullermeerluni pisoq, teknikkikkut ajornartorsiutitaqalaarpoq. Unammineq Canadap kujasinnerusortaani aamma avannarpasinnerusumi illoqarfinni nunaqarfinnilu amerlanerni isiginnaarneqarpoq. Illoqarfiilli ilaanni unammineq radiukkut Inuktitut tusaaneqarsinnaajutigaluni tv-kkut tuluttut takuneqarsinnaavoq. Tullianik taamatut aaqqissuussisoqarpat suut tamarmik ajunngitsumik ingerlanneqarumaartut CBC-mit oqaatigineqarpoq.

Canadami ilanngutassiortutta Marianne Stenbækip ilanngutassiaa Elisa Isaksenimit kalaallisuunngortinneqarpoq.