Hinnarik tusarnaartitsisaqattaarluni angalaalerpoq
Angajo Lennert-Sandgreen 2004-mi Hinnariusaaqqaarpiarpoq, qatanngutinilu inuusuttunut aallakaatitassiaminni Pure Chemistrymi.
2009-mi filmiliorput, taamanili Hinnarik nipilersortartoq Frederik Elsner peqatigalugu meeqqanut tusarnaartitsisalerpoq.
- Ukiut qulit ingerlaneranni Hinnarik ilisimaneqanngeriarluni tassanngaannarsuaq nunatsinni tusaamasanngorsimavoq, allaallumi meeqqanut minnernut maligassiuisutut taakkartorneqartalersimalluni minnerunngitsumillu nunatsinni kulturikkut pisuussutitut ataasiaannarani eqqaaneqarsimalluni, Frederik Elsner tusagassiutinut nalunaarummini allappoq.
Tusarnaartitsisaqattaarlutik angalanerat Frederik Elsneriup inuuffiani Nanortalimmi aqagu aallarnerneqassaaq.