Henriup nanoq illuminit 25 meterisut ungasitsigisoq aallaasariaqarsimagaa
Kujataani nanoqartut aasap ingerlanerani arlaleriarluni nalunaarutigineqarpoq. Savaatilik, Henrik Knudsen Sillisineersoq nannumik qanimut takunnissimasut ilagaat.
- Illorput sissamut qanittuaraangami. Taava sissamiit nanoq qaqisoq illullu tungaanukartoq, 20-miit 25 meterit tungaanut qanitsigisoq aallaavara, Henrik Knudsen oqarpoq misigisanilu puigortussaajunnaakkani oqaluttuaralugu:
- Tassami nanoq kiisortuuvoq. Aamma takugamisigut ersiginngilaatigut. Ingerlaanaq aallaanginnakku. Tunngitsinnut ingerlalermat, pisulluni tungitsinnut ingerlaannarmat qanillivallaanginnerani aallaavara, Knudsen oqarpoq.
AAMMA ATUARUK Vandrere i Sydgrønland advares mod isbjørne
Henrik Knudsenip qimmimi nanumit annaakkaani oqaluttuaraa:
- Qimmerpununa anilerlunga qilukkami. Qimmeq qilussimanngitsuuppat nanoq illup eqqaralaannguani naammattoorsimassagaluarpara, savaatilik KNR-imut oqarpoq.
Henrik Knudsenip nanoq toqoreermat savanik mamarisaqartoq paasivaa.
- Pilakkatsigu aqajarua ammaratsigu savat meqqui ilisarnaqaat. Meqqutoqartallit savap meqqui ilisarnaqaat.
Kujataani savaatillit savaatitik savarniangajalerput. Savarnialerunillu aallaammik nassataqarniarput.
Savaatilinni Kangerluarsorujummi aasaq manna aamma nannuttoqarpoq.
AAMMA ATUARUK Nanoq Igalikup eqqaani takuneqartoq
AAMMA ATUARUK Nanoq mittarfimmiittoq toqukkaat