Helle ajugaavoq

- Asasara Qallunaat Nunaat iluatsipparput, Danmarkimi arnaq ukiuni tulliuttuni sisamani statministerinngortussaq Helle Thorning Schmidt oqarpoq.

Oqaluttuarisaanermi Danmarkimi arnani siullersaalluni aqutsisunngortussaq oqalugiarami oqaatigaa, suli maanna Statsministerinngorani. Naak qinersinerup inernerisa tikkuutereeraluaraat saamerliit, tassalu Helle Thorningimit aqunneqartut qinersinerup 50,3 procentiinik taaneqarsimagaluarlutik. Illuatungaani talerperliusutut taaneqartartut Lars Løkkekkunnik aqunneqartut procentinik pingasunik kingulliullutik.

- Danmark suaarutiginnereerpoq, qallunaat qinersereerput. Nunami maani partiini anginerpaavugut, statsministeritut tunuartariaqalersoq, Lars Løkke Rasmussen oqarpoq.

Oqaatigaluguli aamma qallunaat taamatut aalajangereermata tamanna ajunngitsoq, kisiannili.

- Asasara Helle matuersaatit paarilluarniarigit, tassami atukkiussaannaapput, Lars Løkke Rasmussen oqarpoq.

Statsministeri tunuartussaq Lars Løkke Rasmussen, naatsorsuutigineqarpoq aqagu qallunaat nalunaaqutaat malillugu aqqanernut Dronninngiliassasoq qinersinerup inernera nalunaarutigiartorlugu.