Video: Helheimimi sermeq milliardinngorluni sikunngortoq
Aappariit New York Universitymi sermit pillugit ilisimatuut Helheimip sermiata eqqaani juunip 22-ani ulluni sisamani unnuitillutik ungasissumit nipimik ikkaaluttumik takisuumik tusaasaqaleriasaarput.
Taama pisoqarnerata nalaani Denisep sermip aseruleratarnissaanut assiliutini videoliut inissippaa. Videoliamili aserulerniinnaanngitsumik immiussisimallutik, aappariit Washington Postimut oqaluttuarput.
- Pisinnaasut tamavimmik pipput, aappariit sermip aserorneranik immiussartik minutsinik 30-nik sivisussuseqartoq pillugu oqarput.
Aappariit ilulissap 500 meterisut portutigisup sermimiit avissaarnera kangerlummilu malissuarnik pilersitsinera, Washington Postimut oqaluttuaraat.
New York Universitymit naatsorsuinerit naapertorlugit sermeq sikunik 10 milliardit tungaannoortunik imaaniititsilerpoq, tamanna sermip akunnerup affaani nakkaannerani pivoq.
Aappariit videoliaat timelapsinngorlugu tassa sukkatisillugu minutsimik ataatsimik 40 sekundinillu sivisussuseqalersillugu aggorneqarpoq. Videoliaq sapaatip akunnerata ataatsip ingerlanerinnaani 800.000-eriarlugu isiginnaarneqarsimavoq. Video uani takusinnaavat.
