Heksehylit eqqaaviit blokillu eqqaanni kukunnagit
Containerit eqqaaviittut atorneqartut, majuartarfinnilu eqqaaviit ikuallatsinneqartarnerat ukiut tamaasa, juullip ukiortaallu akornanni pisarpoq. Nipiliuutigalutik qaartinneqartut heksehylit ullumimiit tuniniarneqalerput, taamaattumik angajoqqaat meeqqaminnut oqaaqqissaareqquneqarput, heksehylit containerinut majuartarfnnilu eqqaavinnut miloriuttassanngikkaat:
- Eqqaavinni ikuallattoornerit Juullip ukiotaqallu akornanni amerlasoorujussuusarput, taamaammat angajoqqaat meeqqatik oqaluttuuttariaqassavaat heksehylit eqqaavinnut miloriunneqartassanngitsut. Blokimi ikuallattoqaleraluarpat ajoqusertoqarataannaavoq ulorianarsinnaallunilu. Taamaammat heksehylit blokit eqqaanni pinnguarineqaratik aqqusinerni pinnguarineqartassapput, Nuummi qatserisartut ittuata tullersortaa Bent Maqe oqarpoq.