Hashi ilaatigut peqqutaalluni pineqaatissiinerit amerliartorput

:

Evy Frandsen ima nassuiaavoq:

- Kalaallit Nunaanni innuttaasut hashimik annikitsunnguamik tigummisaqaraangamik ukiuni arfineq-marlunni arfineq-pingasuni parnaarusimaneqartarput. Tassa pineqaatisseeriaaseq sakkortuallaaqaaq, arnaq taanna Informationimut taama oqarpoq.

Pineqaatissinneqarsimasunut inissiisarfinni inissat amerlaneruleraluartut eqqartuunneqarsimasut pineqaatissinneqarnerminnik utaqqisut amerliartuinnarput.

Nunanut allanut sanilliussigaanni nunatsinni maani innuttaasut amerlaqisut kiffaanngissusiiagaapput, pinerluttulerinermik isumaginninnermi pisortap tullia Anette Esdorf aviisimut ullormut saqqummersartumut Informationimut taama oqarpoq.

- Danmarkimi maannakkorpiaq inuit 100.000-iugaangata 61-it kiffaanngissusiiagaasarput. Kalaallit Nunaanni inuit 300-gaangata kisitsisit taakkuusarput. Tamanna ingasappallaaqaaq, aviisimut taanna taama oqarpoq.

Maannakkorpiaq inuit 260-it eqqartuunneqarnissaminnik utaqqillutik pineqaatissinneqarsimasut inissiisarfianniipput. 2008-mi decembarimi taakkua 149-pput.