MIO-p nalunaarusiaa: Hashi ikiorneqannginnerlu Qeqqata Kommuniani meeqqanut atugarliortitsisut

Meeqqat Illersuisuat Qaasuitsup Kommunianut siullermik angalavoq. Tamatuma kingorna Kommune Kujalleq Tunulu angalaffigai. Qeqqata Kommunianilu maanna angalareerpoq.

Meeqqallu Qeqqata Kommuniani najugaqartut akornanni atugarliortoqartorujussuuvoq.

Meeqqat Illersuisuata Qeqqata Kommunianiut angalanermit nalunaarusiaq ataasinngormat ullaakkut saqqummiummagu suut ernumassutaanersut saqqummiuppai.

AAMMA ATUARUK Sermersuumi meeqqanut tunngatillugu suliat kukkunersiuisartup misissulerai

Unammillernartullu marluk immikkut maluginiarsimavai.

- Maluginiakkatta ilagilluinnarpaat, meeqqat tarnikkut ikiorserneqarnissaminnik pisariaqartitsisut amerlammata, taakkulu aamma ikiorserneqanngippallaarnerat annertuumik uani nalunaarusiatsinni pulaffigaarput. Kisianni aamma maluginiakkatta ilagilluinnarpaat, ikiaroornartup annertoorujussuarmik atugaanerata meeqqanut kinguneri annertummata. Tassa timikkut tarnikkullu atugarliuutaat amerlapput, ikiaroornartoq eqqarsaatigissagaanni, Meeqqat Illersuisuat, Aviaaja Egede Lynge taama oqarpoq.

AAMMA ATUARUK Kujallermi meeqqat naligiimmik ikiorneqanngillat

Kommunilu nalunaarusiamut qisuariarluarsimasoq, Meeqqat Illersuisuata oqaatigaa.

- Uani nuannersoq eqqaassagaanni: isumaqarpunga, nassuerutiginninneq iliuuseqarusunnermullu nukik annertooq kommunimit naapipparput, Meeqqat Illersuisuat, Aviaaja Egede Lynge taama oqarpoq.

Innuttaasunik, pingaartumik meeqqanik, sulisunillu oqaloqatiginninnerit nalunaarusiamut tunngaviupput.

Meeqqat 168-it Meeqqat Illersuisuannut atukkaminnik oqaluttuarsimapput.

AAMMA ATUARUK Ukiukitsunik atoqateqarsimanerit unnerluutigineri amerlisut