Hans Enoksenip ICC-p aningaasalersorneqarluarnissaa piumasaraa
Aningaasanut inatsisissap aappaagumoortup siunnersuutigineqarnerata Inatsisartuni ippassaq aappassaanik oqallisigineqarnerani, Inuit Issittormiut Siunnersuisoqatigiivinut aningaasaliissutit pillugit, malunnarluartumik Siumukkut Inatsisartuni ilaasortaat assigiinngitsunik isumaqarput.
Siumut sinnerlugu Inatsisartunut ilaasortap, Kristian Jeremiassenip qanittukkut siunnersuutigaa, ICC-mut tapiissutit erngiinnaartumik unitsinneqassasut oqarluni aningaasat 5,5 million koruunit allamut, soorlu Napparsimmavinni suliaritittussanut utaqqisunut atoraanni pitsaanerusoq. Inatsisartunili ippassaq oqallinnermi Kirstian Jermiassenip siunnersuutigaa, aningaasat Avannaata Qimussersuanut tapiissutinut atorneqartariaqartut.
- Naamik ICC-mut tapiissutit ilikisarneqartariaqanngillat. Hans Enoksen, Siumut oqarpoq imalu nangilluni.
- ICC-mut tapiissutit ikilisarneqartariaqanngitsut isumaqarpunga. Pingaartumik innuttaasut oqartussaaqataanerat, Nunatsinniinnaanngitsoq aamma nunarsuarmi allani nunat eqqoqqavinut ICC sunniuteqarluarluni sulisarmat.
Aatsitassarsiorfissuit nunanit allaneersut Nunatsinnut tikeralersussaammata, ICC aatsaat taama Nunatsinni pisariaqartitsigileripput, Hans Enoksen oqarpoq imalu nangilluni.
- ICC aatsaat taama pisariaqartinneqalersussaavoq, soorlu avammut paasisitsiniaanissanut, silaannaap allanngoriartornerata kingunerisaannut aamma uangut kalaallit inuttut pisinnaatitaaffitta sorsuutigineqarnissaannut, tassami aatsitassarsiornissaq uaneerakasiuvoq, taamaattumik ICC-p aningaasalersorneqarnissaa tunuarsimaarfigineqartariaqanngilaq, Inatsisartunut ilaasortaq Hans Enoksen, Siumut taama oqarpoq.
