Hans Enoksen: Kikkut tamarmik naleqassusiat aallaavigalugu sullinneqassapput

Nalakkersuisoqatigiilersut partiivisa aappaata, Naleqqap, siulittasua Hans Enoksen, naalakkrsuisoqatigiinnissamik isumaqatigiissummik saqqummiussinermi tulluusimaaqaaq. 

Hans Enoksen pisuut piitsullu assigiinngissutaat allivallaarsimasoq persuarsiornermi oqarpoq.

- Ajoraluartumik ineriartornermi ilagut katassimavagut. Pissaqassuseq innarlerneqassimavoq. Pigissaartut pissakinnerillu akornanni ikeq annertusiartuinnarsimavoq, taamaalilluni inuttut ajornartorsiutit annertuut pilersinneqarsimallutik.

AAMMA ATUARUK Múte B. Egede Naalakkersuisut nutaat pillugit: Nuannaarlunga neriuuteqarpunga

- Imaanngilaq pissarissaarnerusuinnaaat nunami maani ingerlatsissasut. Piniartukkormiut, aalisartukkormiut, sulisartukkormiut savaatillillu, nunatsinni ineriartornermi sunniuteqarsimaqisut, aamma peqatigissaqqaarpagut. Taanna qularineqassanngilaq. Suliffissaaleqisuuppata aamma angerlarsimaffeqanngitsuuppata tamarmik inuit naleqassusiat aallaavigalugu sullinneqassapput., Naleqqap siulittasuaya Inatsisartullu siulittaasoriligassaat, Hans Enoksen, saqqummiinermi oqarpoq.

- Ukiuni tusindtilinni arlalinni maani nunaqarnitsinni ikioqatigiittarneq, pisanik agguaaqatigiittarneq, qanorluunniit sila peqqarniitsigigaluartoq ikioqatigiittarnitsigut. Massakkut aamma taamaaleqqittariaqarpugut.