Hans Egedemut eqqaassutissaq nunatsinniittoq juunimi qalipanneqarluni serlersaarneqarpoq. Københavnimiittoq taamatorluinnaq aamma pineqaqqammerpoq.Assi: Liselotte Sabroe/Ritzau Scanpix

Hans Egedemut Issittumilu ilisimatusartumut eqqaassutissat Danmarkimiittut serlersaarneqartut

Knud Rasmussenimut eqqaassutissaq kiataannaq serlersaarneqarsimasoq, Sjællandip avannaani politiinut nalunaaqutaq ataatsip qaangilaaraa nalunaarutigineqarpoq.

Angutinut marlunnut nunatta oqaluttuarisaaneranut sunniuteqartunut eqqaassutissat serlersaarneqarput. 

Hans Egedemut eqqaassutissaq Frederiks Kirkep, Marmorkirketut ilisimaneqarnerusup, silataanniittoq qalipaammik aappaluttumik unnuaq serlersaarneqarpoq.

Københavnimi politiit tamanna KNR-imut uppernarsarpaat. 

Hans Egede nunatsinnut ajoqersuiartorluni nunasiartaariartorlunilu 1700-kkunni tikippoq. Taassumunnga eqqaassutissaq qalipaat aappaluttoq atorlugu "decolonize"-mik, tassa "nunasiaajunnaarneq"-mik aamma allanneqarsimavoq.

Hans Egedemut eqqaassutissaq Nuummiittoq sapaammi juunip ulluisa 21-ata, tassa inuiattut ullorsiornitta unnuaani taamatorluinnaq aamma pineqarpoq.

Knud Rasmussenimut eqqaassutissaq kiataannaq aamma serlersaarneqartoq

Issittumi ilisimatusartumut Knud Rasmussenimut eqqaassutissaq kiataannaq Hundestedimi Nørregademi innuttaasut illuata saaniittoq qalipaammik aappaluttumik aamma serlersaarneqarpoq.

Sjællandip avannaani politiit tusagassiorfinnut oqaaseqartartuata tamanna uppernarsarpaa.

- Eqqaassutissat ilaat qalipaammik aappaluttumik serlersaarneqarsimasoq, nalunaaqutaq ataatsip qaangilaaraa nalunaarfigineqarpugut, taanna oqarpoq.

AAMMA ATUARUK Hans Egedemut eqqaassutissaq peeqqullugu atsiornernik katersisoqartoq

Knud Rasmussenimut eqqaassutissaq kiataannaq qalipaammik aappaluttumik qanga serlersaarneqarsimanersoq, politiit oqaatigisinnaanngilaat. Sjællandilli avannaani nutaarsiassaqartitsivik sn.dk naapertorlugu marlunngornerup unnuaani taamaaliorneqarsimassangatinneqarpoq.

Hans Egedemut eqqaassutissap Nuummiittup serlersaarneqarnera oqallittoqarujussuarneranik kinguneqarpoq. Oqallittut ilaasa eqqaassutissap peerneqarnissaa, ilaasalu allamut nuunneqarnissaa kissaatigaat. 

Borgmesterip paamitsattup eqqaassutissaq peeqqunngikkaa

Kommuneqarfik Sermersuup borgmesteriata, Charlotte Ludvigsenip, innuttaasut Hans Egedemut eqqaassutissap Nuummiittup qanoq pineqarnissaanik aalajangiinermi peqataatikkusuppai.

Halsnæs Kommunip borgmesteriata socialdemokraatineersup, Steffen Jensenip, Knud Rasmussenimut eqqaassutissap serlersaarneqarsimanera pillugu paamitsallunilu pakatsivoq.

- Eqqaassutissap serlersaarneqarnera peqqutigalugu peernavianngilarput. Tamat oqartussaaqataanerat tunngavigalugu oqallittoqarnissaa inassutigaarput, kisianni eqqaassutissap peerneqarnissaa akuersaanngeqaara, Steffen Jensen KNR-imut oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat