Hannah Kinami illoqarfiit annersaanni Shanghaimiippoq. Oqaatsinik ilinniarnissamik neqerooruteqartartoq EF aqqutigalu, inuit 25 millionit missaanniittut akornanni kineserit oqaasii ilinniarlugit.Assi: Hannah Olsen

Hannah Shanghaimi: Coronavirus peqqutigalugu Spaniamut nuulerpunga

Inuusuttunnguaq kalaaleq Kinami ilinniartoq nualluut coronavirus peqqutigalugu Spaniamut nuunniarluni aalajangerpoq.

- Aalajangerpunga nutaamik misigisaqarusullunga taavalu allamik nutaamik ilinniagaqarusullunga. Taava aalajangerpunga Spaniamut Malagamukarusullunga, Hannah Olsen oqarpoq.

Hannah Kinami illoqarfiit annersaanni Shanghaimiippoq. Oqaatsinik ilinniarnissamik neqerooruteqartartoq EF aqqutigalu, inuit 25 millionit missaanniittut akornanni kineserit oqaasii ilinniarlugit.

Nualluutip coranavirusip, maanna siaruaassimasup, Wuhanimi decemberimi siaruaassimanissaa ilimagineqarpoq. Shanghai Wuhanimit 840 kilometerit missaannik ungasissuseqarpoq.

- Anigaangatta anersaartuutinut illersuuteqartarpugut errorluartarnissarpullu siunnersuutigineqarluni, Hannah Olsen KNR Radiomi ullaakkut aallakaatinneqartartumut Nunatta Nipaanut oqarpoq.

Uumasunit nujuartanit aallavilik

Inuit coronavirusimik maannamut tunillanneqarsimasut 2700-nit amerlanerusut, Kinami oqartussaasut ilisimatitsissutigaat. Coronavirusi uumasunik nujuartanik Kinami tuniniaavinneersumit siaruaassimassangatinneqarpoq.

AAMMA ATUARUK Coronavirusimik Kinami toqquteqartut 100-nit amerlanerulertut

Shanghaimilu tunillaasoqannginniassammat filmertarfiit parkilu nuannaarniartarfik Disney World matoqqagallarput.

- Malunnarpoq suna tamarmi matusoq inueruttorlu, Hannah Olsen oqarpoq.

Coronavirusi Kinap qiterpasissuaniit nunanut allarpaalunnut siaruaappoq, inuillu ikinnerpaamik 80-it toqqutigereerpaat.

Taamaattumik Hannahp angajoqqaarsiaasalu angerlarsimaffitsik pisariaqavitsinnagu qimanneq ajorpaat.

Internitsikkut ilinniartut

- Chinese New Year takkuneraninngaanniit atuarfik matuvoq, massakkumut suli matoqqavoq, internetikkullu atuartarluta.

Chinese New Year, tassa Kinamiut ukiortaarsiornerat januaarip 25-ani aallartippoq.

AAMMA ATUARUK Nakorsaaneqarfik nualluut pillugu: Pilersaaruteqarpoq

Hannah naapertorlugu ilinniarfimminni pingasunik periarfissinneqarsimapput. Singaporemut nuussinnaapput, angerlaannarsinnaapput ilinniarnertilluunniit allamut nuussiinaavaat.

Hannahp ilinniaqatai arlallit aalajangereerput, amerlanerillu angerlaannarniarput. Kisianni Hannah allatut aalajangerpoq. Tassami misigisassarsiorumalluni Spaniap kujasinnerusortaanut Malagamut ilinniariarniarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat