Hammond avaqqutaaraluni oqaluppoq

Palle Christiansen Demokraatineersoq Julie Rademacherip Naalakkersuisut siulittaasuannut siunnersortitut atorfinitsinneqarnera pillugu arlalinnik apeqquteqaateqarsimavoq, apeqquteqaataali arfineq pingasut akissuteqarfigineqaraluartut, Palle Christiansenip innuttaasullu pineqartoq pillugu ilisimasaat amerlanerulinngillat.
Allattoq Peter Troelsen, Simon Uldum
juulip 09-at 2013 14:16

Palle Christiansenip atorfinitsitseriaaseq apeqqutigaa, Aleqa Hammondilli, Naalakkersuisut siulittaasuattut apeqqutinut akissuteqartuusup, ulapinnini utoqqatsissutigalugu Palle Christiansenip apeqqutigisai allat avaqqutaaraluni akissuteqarfiginngilai.

Julie Rademacherip Namminersorlutik Oqartussani apriilip ulluisa 15-iat sioqqullugu akissarsiaqartinneqarnera ilaatigut apeqqutigaa, Hammondilli tamanna akisinnaanngilaa, naak Rademacher qineqqusaarneq tamaat tusagassiinermi siunnersortitut eqqamimi nikorfajuarsimavoq. Siumup nammineerluni akissarsiaqartissimaneraa, imaluunniit Rademacher nammineq kajumissutsimik akissarsiaqaranilu Hammondip pissaanermik tigusiniarnerani qaammat ilivitsoq ikiuussimanersoq Hammondip soorlu nalussanngikkaluaraa.

Pisortat ingerlatsinerat pillugu paasitinneqarsinnaatitaaneq pillugu inatsit naapertorlugu inatsisiliortunut taamatut isumaqatigiissusiortoqarsimaneranik nalunaarusiortoqartussaavoq, pineqartumili ajoraluartumik taamatut pisoqarsimanngitsoq, Aleqa Hammond paasissutissiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq