Norgemi politiiusimasoq tatigineqarluartoq ukiuni 21-ni parnaarussassanngortinneqartoq
Norgemi politiini aqutsisut ilaat annertumik peqqusertulliorsimanini ikiaroornartumillu anngiortumik eqquisisimanini pillugu ukiuni 21-ni parnaarussassanngortinneqarpoq.
Politiini aqutsisup 62-inik ukiullip, Erik Jensenip ikiaroornartumik anngiortumik eqquissuinermi peqataasimaneranik eqqartuussivimmi unnerluussutigineqartup ilaanik pinngitsuutineqarnissaa pillugu eqqartuussiviup 2017-mi aalajangigaa eqqartuussisut qullersaannut jannuarimi ingerlateqqippaa.
Eqqartuusseqartaasut aalajangigaat eqqartuussisunit isumaqatigineqanngimmat, eqqartuussineq allanik eqqartuussisulerlugu ingerlanneqarpoq, maannalu tassa pineqatissiineq allangorluni.
Erik Jensen Norgep politiivini ikiaroornartut pinerlunniaqatigiillu akiorniarneqarnissannut pisortaasimavoq.
Ikiaroornartunik anngiortumik eqquisuisartoqatigiit aqutsisuata, hashbaronimik taaneqartup nassuerutigaa, ikiaroornartunik annertoorujussuarnik ukiuni 20-ni angiortumik eqqussuisimalluni. Taamaaliorsinnaasimavorli Erik Jensen SMS-nik isertortunik nassuissuisarsimammat.
Hashimik anngiortumik eqqussuisartut aqutsuisuisa ilaata Gjermund Cappelenip parnaarussaaqqanera sivikillisinneqarpoq, politiit paasiniaaneranni suleqataasimanera pillugu
Ukiuni 15-ni parnaarussassanngortinneqaqqaarpoq taannali ukiunut 13-nut maanna sivikillineqarluni.