Høgni Hoydal Folketingimit tunuarniuteqarpoq
Magni Arge, Republikanerit sinnerlugit sassartuni qinigaanerpaat tulliat, taarsiullugu Folketingimi ilaasortaalissaaq. Arge, sapaatip-akunneri pingasut matuma siornatigut aatsaat sassartoq qinersinermi 1082-init qinerneqarpq. Qinigassanngortitami arlariinnik atuuffeqartinneqannginnissaat qineqqusaarnerup nalaani oqaatigiuarsimagitsik, Høgni Hoydalip erseqqissaatigaa:
- Politikkikkut pissutsit atuuttut aallaavigalugit allannguisinnaanissarput erseqqissumik oqaatigaarput. Savalimmiunilu politikkikkut pisut aallaavigalugit pingaarnersiuisariaqartunga aamma oqaatigaarput, Høgni Hoydal, Kristeligt Dagbladimut ilaatigut oqarpoq.
Hoydal, qineqqusaarnerup nalaani Danmarkimi socialdemokratit akornanni aalassatsitsivoq, tassami partii Republikanerne partiinik saamerlernik annerusumik tapersersuisartoq kikkut tapersersorniarnerlugit siumut oqaatigerusunngimmagu.
