Avaleraasartoortassanik qinnuteqaatit suliarineqarneri sakkortuumik isornartorsiorneqartut
Siorna kingusinaarluni pisassanik agguaaneq pisoq tamatumalu kinguneranik aalisarnermik inuussutissarsiortut inuiaqatigiillu aningaasarpassuarnik annaasaqarnerat oqartussanit ilinniarfiusimanngitsoq, KNAPK aamma GE tusagassiutinut nalunaarumminni allallutik isornartorsiuipput.
Taakku aamma allapput toqqaannartumillu apeqqusiilluutik, aalisarneq aqqutigalugu suliffissanik pilersitsiortornissamik taamatullu aningaasanik Nunatta karsianut isaatitsinissamik Naalakkersuisut pingaartitsinersut.
Aamma atuaruk Avaleraasartoortassiinermi kalaallit salliutinneqartut
KNAPK-p aamma GE-p eqqaamaqquaat avaleraasartoorniarnermik inuussutissarsiorneq Nunatsinni nutaajummat taamattumillu pitsaasumik pilersaarusiorneqartariaqartoq. Taakku aamma eqqaamaqquaat aalisariutit avaleraasartoorniarnermut naleqquttut pissarsiarineqartartussaasut taamatullu inuttaasut pikkorissut sulisorineqartartussaammata arriippallaamik sullinneqarnermi aningaasarpassuarnik tamanna annaasaqaataasarmat.
- Aalisariutit ukioq kaajallallugu atorneqartarput taamaattumillu millioninik arlalinnik akeqartarlutik, KNAPK aamma GE naqissusiipput allakkaminnilu apereqqillutik, sooq siorna ajornartorsiutaasut ilinniarfigineqarsimannginnersut aamma inuussutissarsiortut saaffiginnissutigisartagaat sooq akineqartarsimannginnersut aperalutik.
Aamma atuaruk Avaleraasartoorniarnermut GA sakkortuumik isornartorsiuivoq