Guantanamop matunissaanut Obamap pilersaarutaa
Tusagassiorfiit assigiinngitsut nunanit tamalaaneersut, BBC taakkununnga ilaalluni, taama allaaserisaqarput.
Parnaarussat ilaat 35-t nunanut allanut parnaarussivinnut ukioq manna nuunneqarnissaat pilersaarutigineqareerpoq, parnaarussat Cubamiittut taamaasillutik 60-it taava ataatissavaat. Taakkunannga amerlanerit USA-p nunavittaani parnaarussivinnut nuunneqassapput.
Parnaarussiviit 13-it matumani pineqartut præsidentip nalunaarutigereerpaa.
- Guantanamo pillugu ajornartorsiut præsidentimut nutaamut ingerlateqqikkusunngilara, Barack Obama oqartoq, Tuluit nutaarsiassaqartitsiviata Reutersip allaaseraa.
Guantanamomi parnaarussiviup matuneqarnissaa Obamap qangalili pilersaarutigaa, pilersaarutilli USA-mi kongressimi ilaasortanit amerlanerussuteqartunit illuatungilerneqarput, pilersaarutillu unitsinniarneqarlutik.
Guantanamomi parnaarussivik ukiumut 3 mlliardit koruunit missaannik aningaasartuutaasartoq BBC-p kisitsisaataasa takutippaat.
Sakkutooqarfik taanna inuttut pisinnaatitaaffiit pillugit suliniaqatigiiffinnit ukiorpaalunngulersuni isornartorsiorneqarpoq, parnaarussanimmi naalliutsitsisoqartarnera arlalippassuartigut nalunaarutigineqartarnikuugami.
Parnaarussat eqqartuussivitsigut aalajangiiffigineqarsimanatilluunniit tigummineqarnerat aamma isorineqaqaaq.
/ritzau/