Gretha Thunberg Tysklandimi aamarsuarsiorfimmmi akerliussutsimik takutitseqataavoq
Silap pissusiata allanngoriartornerata iliuuseqarfigineqarnissamik ilungersuuteqartoq svenskeq Greta Thunberg Tysklandimi nunaqarfimmi Lützerathimi akerliussutsimik takutitsisunut 6000-it missaanniittunut peqataavoq.
Tusagassiorfiit arlaqartut Reuters aamma taakkunani ilaasoq taama allaaserisaqarput.
Silap pissusiata allanngoriartornerata iliuuseqartoqarnissaanik ilungersuuteqartorpaalussuit qaammatini arlaqartuni nunaqarfimmi Lützerathimiipput nunaqarfimmi tassani aamarsuarnik piaaffiammi tyskit nukissiuuteqarfiutaata RWA-p aamarsuarnik piiaanerminnik annertussaaniartoq pinngitsoortinniarlugu.
Greta Thunberg ima oqarpoq
-Ullutsinni pisunut siunissamullu killuussineruvoq. Tyskland nunarsuarmi mingutitsinerpaat ilagaat akisussaatinneqassallunilu, Greta Thunberg taama oqarpoq.
Nunap iluatigut sulluliani
Silap pissusiata allanngoriartornerata iliuuseqarfigineqarnissaanik ilungersuuteqartut piffissami kingullermi nunaqarfik tiguaqqavaat, politillu aporaattarlutik.
Silap pissusiata allanngoriartornerata iliuuseqarfigineqarnissaanik ilungersuuteqartut amerlanersaat nunaqarfimmit qimagutsinneqarput, sinneriligooq ataasiakkaat, orpinni illuaqqaniipput aamma ilai allat nunap iluatigut sullulianiillutik.
