Greenland.com ajugaavoq

Nunatsinni takornariartitseqatigiiffimmi Visit Greenlandimi nuannattunnguaqarpoq. Taakku nittartagaat www.greenland.com nunarsuarmi nittartakkat Oscariannik Webby Award-imik pissarsisussanngormat.

Nunarsuarmi nittartakkanik atuisut taasisinnasimapput nittartagaq sorleq Webby-Award-imik pissarsissanersoq "Peoples Voice Award"-mik taaneqartartumik. Visit Greenlandip nittartagaata www.greenland.com -ip ajugaaffigai takornariarfissatut tusaamasat New York aamma New Zealand.

- Nassuerutigisariaqarparput assorsuaq tulluusimaarutigigatsigu nittartakkamik pilersitsisimagatta taasinerup nalaani New Zealandimut aamma New York-imut unammillersinnaasimasumik, allaammi naggataani sammisap matuma iluani nersornaatit pingaarnersaannik pissarsisumik, Visit Greenlandip pisortaa Anders Stenbakken oqarpoq.

Maanna Visit Greenlandip neriuutigaa nittartakkap soqutigineqarnerujussua nunatsinnut tikeraarusuttut amerlinerannik kinguneqarumaartoq.

- Greenland.com takornariartitsisut nittartagaasa nunarsuarmi pitsaanersaatut toqqarneqarmat assut tulluusimaarnarpoq tamannalu ullumi malunnartinniassavarput. Imaassinnaavormi nunarsuarmiit nunatsinnut takornariarnissamut soqutiginninneq annertunerulerumaartoq. Kisianni aamma oqaatigisariaqarpoq taama qaffasitsigisumik inissisimanissaq ukiuni aggersuni ajornakusuussammat ukiut tamaasa aningaasaliissutit ikilisinneqartarmata. Pitsaassuseq qaffasissoq aningaasat ikittuinnaat atorlugit ajornavissaaq, Anders Stenbakken oqarpoq.

Taasinerup nalaani New York aamma Kalaallit Nunaat naligeeqat. New Yorkilumi aamma akissarsitinneqarmioq naliliisartut takornariartitsisunut akissarsiaritittagaat pissarsiarisussanngoramikku.

Akissarsititsineq New York-imi pissaaq maajip 21-iat tusaamasat arlallit maannali suli atiisigut nalunaarugineqanngitsut peqataasoralugit. Aaqqissuisut naatsorsuutigaat USA-mi tusagassiutit assut malinnaajumaartut akissarsititsineq 1996-mili pisalersoq nalliussineqaqqilerpat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat