Greenland Rubyp millioninik isumaqatigiissuteqartoqarnissaa utaqqigaa

Rubinimik tunisassiorneq coronavirusip nunarsuaq tamakkerlugu tuniluunnerani eqqugaasorujussuuvoq, piiaaffiit, silisisarfiit, akitsorterussisarfiit tunisassianillu pisiniarfiit matoorarnerarlutik.
Rubinimik tunisassiorneq coronavirusip nunarsuaq tamakkerlugu tuniluunnerani eqqugaasorujussuuvoq, piiaaffiit, silisisarfiit, akitsorterussisarfiit tunisassianillu pisiniarfiit matoorarnerarlutik. Assi © : KNR/Anton Gundersen Lihn
Allattoq Nutaarsiassaqartitsivik / Nyhedsredaktionen
juulip 27-at 2020 09:48
Nutserisoq Ivik Kristiansen

Greenland Rubymut millionippassuarnik aningaasaliisoqassaaq.

Sermtisiaq.ag taama allaaserisaqarpoq.

Greenland Rubymi aktiaatillit Norgemiut ingerlatseqatigiiffiata piginnittuusup LNS Miningip nunatsinneersullu Greenland Venturep Greenland Rubymut amigartooruteqarfiusumut millioninik marlunnik kisitsisitalinnik aningaasaliinissamut isumaqatigiissuteqarnissaat ilimagineqarpoq.

2021-mi aasamut ingerlanneqarsinnaanissaa qulakkeerniarlugu taamaaliniarput.

Rubinimik tunisassiorneq coronavirusip nunarsuaq tamakkerlugu tuniluunnerani eqqugaasorujussuuvoq, piiaaffiit, silisisarfiit, akitsorterussisarfiit tunisassianillu pisiniarfiit matoorarnerarlutik.

- Kalaallit Nunaanni suliniutip tamarmiusup aningaasalersornissaa ingerlatseqatigiiffiup ingerlaannarnissaanut aningaasaliinikkut tamaviaarluta sulissutigaarput, suliffeqarfissuarmit piginneqataassutinik piginittut annersaannit LNS Miningimeersoq, Frode Nielsen oqarpoq.

- Qaammatip ataatsip marlulluunniit ingerlaneranni Greenland Rubymut millioninik marlunnik kisitsisitalinnik aningaasaliissuteqarnissaq pillugu isumaqatigiissusiornissaat neriuutigaara, Frode Nielsen Sermitsiamut oqarpoq.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk