Greenland Resources A/S tunup avannaani piiaasussanngortoq

Aatsitassarsioqatigiiffiup Greenland Resources A/S-ip Ittoqqortoormiit avannaani Mestersvigip eqqaani molybdænimik magnesiumimillu piiaanissamut akuersissummik, inuussutissarsiornermut, aatsitassanut, nukissiuutinut, inatisit atiitsinneqarnerannut naligiissitaanermullu naalakkersuisup, Naaja Nathanielsenip, ullumi sisamanngornermi atsioqatigaa.

Piiaanissaq qaqugu aallartisssanersoq Greenland Resourcesimeersut oqaatigiumanngilaat, aallartippalli ukiuni tulliuttuni 20-nik sivissutigissasoq naatsorsuutigineqarpoq.

Aatsitassarsiutileqatigiiffiup ukiunik taakkunani ukiumut 700 millionit dollarsinik aningaasarsiornissani naatsorsuutigaa.

Tamannali aningaasatigut nunatsinnut qanoq iluanaarutaassanersoq, Greenland Resources A/S-imi, siulersuisuni siulittaasoq, Ruben Shiffman, KNR-imiit aperaarput:

- Isertitallu taakkua suliffeqarfiup akileraarneratigut Kalaallit Nunaata ukiuni taakkunani 20-ni 1 milliard dollarsit misssaannni isertitsissuttigissavaa, taanna oqarpoq.

Taakku danskit komuuniinut ullumi naatsorsoraanni 6,5 milliardit koruuniupput.

Maanna aningaasaliisussarsiortoqassaaq

Greenland Resourcesip suliassaa tulleq tassaalerpoq suliap aallartisarnissaanut aningaasaliisussarsiornissaq. Aningaasaliisoqareeriarpat Canadami aatsitassarsiutileqatigiiffik naggueqatitsinnit sulisulik, taakku nunatsinnukarlutik nunatsinni suliaqartussanut ilitsersussiartornissaat.

Isumaqatigiissut aatsitassanut naalakkersuisumit aamma nuannaarutigineqarpoq.

- Arlalitsigut iluaqutigissavarput. aatsitassarsiutileqatigiiffik ilaatigut suliffinnik pilersitsissaaq aamma aatsitassarsiorfk iluaqutissaminik Ittoqorttoormiini pisissassaaq tamatumalu saniatigut kommunimi suliffeqarfiit namminersortut suliakkinneqartasssapput.