Assi: Simon Uldum

Greenland Express isertitanut naleqqiullugu aningaasartuuteqarneruvoq

Timmisartuutileqatigiiffik Greenland Express iluarinartumik iluanaaruteqaraluartoq, aningaasat ingerlatsiviup karsianiit aniaannavipput.

Naak timmisartuutileqatigiiffik Nunatsinnut silaannakkut angallassinissamik periarfissagissaaraluartoq aamma akimmiffissaqartoq, Greenland Expressip pisortaanerata Gert Braskip oqaatigaa.

- Maannakkut assut artornarsivoq. Timmisartumik attartortitsinitsinnit Kujataaniillu timmisartoq ulikkaartarlugu angallassinitsinnit isertitagut ingerlaannartumik - ilaatigullu suli isertinneqanngitsut – atortariaqarsimavagut, ingerlatitsisutta Denimip suliassat angumerisinnaanngimmagit.

- Suliassatik naammassisinnaanngikkaat nassuerutigisariaqarparput, Greenland Expressimi pisortaaneq, Gert Brask, oqarpoq.

Tamannalu pissutigerpiarlugu Greenland Express ima akiliisariaqartigaaq, allaat ingerlatsiviup ingerlaannarsinnaanera apeqqusertariaqarluni.
Angalanissanik allanngortitsinernut 2,8 millioni koruunit, akiliutigisanillu utertitsinitsinnut 1,9 millioni koruunit akiliutigereerpagut, pisortaq neriuutaarussimarpaluttoq oqarpoq.

Avataaniit aningaasaliissutit apeqqutaapput
Taassuma erseqqissarpaa, Denim Air suleqatigiunnaarlugu namminerminik sulisoqarlunilu timmisartuuteqalernissaminut avataaniit aningaasaliisinnaasut nassaarisariaqartut.

Pissutsit allanngunngippata ingerlatsivik qanoq sivisutigisumik ingerlaannarsinnaassanersoq suli nalunarpoq.

- Tamanna eqqoriarsinnaanngilara. Maannarkut tamaviaaqaagut. Ikiornissaqarnissarput pisariaqartipparput, Gert Brask nassuerpoq.

Pisariaqartinneqarpugut
Maannakkut ingerlanerlukkaluarlutik iluanaaruteqarluni ingerlatsisinnaaneq tunngavissaqarmat tamanna nutaarsiassaavoq nuannersoq. Gert Brask taamatut isumaqarpoq.

-Isariaqartinneqartugut ingerlallualersinnaasugullu paasinarsivoq. Uagulli iluatsitsinerluinnarpugut. Ingerlatsisoq suleqaterput naleqqussimanngippat taava iluatsitsinerlussimavugut.

Inuttassat paarlakaajaallutik suleqatigiiaat pingasut Denim Airimit sulitinneqartartut pissarsiarinissaat ajornakusoorsimavoq, naak Greenland Express Denim Airilu isumaqatigiissusiorsimagaluartut. Pissutsit taamaannerat Braskip eqqarsarnartoqartippaa:

- Angalaniarlutik Greenland Expressimit bilitsisisimasut pillugit Gert Brask oqarpoq, sapinngisaminik naammassiiniarsaraluni, nalulluguli ingerlatsisutut suleqatimik suliassatik naammassisinnaassanerai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat