VIDEO Greenland Expressip aalajangissavaa aningaasat utertinneqassanersut
Greenland Expressimut billetsisisimagaluartut arlallit aningaasartuutitik suli utertinngilaat. Atuisunut siunnersuisarfik, Greenland Expressimut bilitsisisimagaluartunit 35-init ikinnerunngitsunit saaffigineqarerpoq. Taakkunanngalu suliassanngortitsisut 11-iullutik. Atuisumiilli iliuuserineqarsinnaasut killeqarput.
- Ajoraluartumik pisortatut iliuuseqarsinnaanngilagut. Aamma ataatsimiititaliaq aalajangiingaluaruni Greenland express ooritai utertissagaat, Greenland Expressip pisussaaffiginngilaa aalajangiineq taanna malissallugu, Atuisumi siunnersorti Malene Lynge oqarpoq.
Aamma atuaruk Greenland Expressip angalanissat maangaannartippai
Aamma atuaruk VIDEO Greenland Expressip akiliutigineqartut utertinniaasaarai
Uiloq Nielsen bilitsisinikuugaluarluni angalanissani taamaatiinnarneqarmat neriorsorneqarpoq aningaasartuutini utertinneqarumaartut juulip naalernerani radioaviisip oqaluttuaraa. Ullorli manna tikillugu suli aningaasartuutiminik utertiffigineqanngilaq.
- Pakatsinarpoq taanna. Neriorsuipput aningaasat tigussagigut. Kisianni aningaasat suli tigunagit kamannaq neriorsuinerluinnaavittoq suliffeqarfik taanna, Uiloq Nielsen oqarpoq.
Aamma atuaruk Greenland Express Atuisartut siunnersuisooqatigiivisa misissuiffigigaat
Bilitsisisimagaluartunulli suli neriuutissaqarpoq
Fakta
Grønlandsbankip kortimik, aningaasanillu nuutsitsilluni akiliisarnermi maleruagassai:
Aningaasanik nuutsineq assigaa anignaaasaanik akiliinerup. Aningaasat utertinniaraanni suliffeqarfimmut saaffiginninnertigut aatsaat tamanna pisinnaavoq. Suliffeqarfik itigartitsippat imaluunniit akiliissinnaajunnaarsimappat, suliffeqarfiup eqqartuussissuserisuanut suliamik ingerlatsisumut, aningaasanik pissaqanerarluni saaffiginninnikkut aningaasartuutit utertinniarneqarsinnaallutik. Dankortimik akiliisoqarsimatillugu aamma tamanna atuuppoq.
Kortimi akiliisimatilluni (soorlu Mastercard), aningaaserivik saaffigineqarsinnaavoq aningaaseriviup akiuliutigisimasat utertissagai, suliffeqarfik taamaasiorsimanngippat. Pisiarisimasaq tunniunneqarsimanngippat aningaasartuutit utertinneqarsinnaammata. Soorlu uani pisumi suliarineqarsinnaavoq ”Kortimik akiliinikkut akerliliinermik” taallugu.. Suliamik taama ittumik aallartitsissagaanni kortimik aalajangersimasunik akiliisimaneq apeqqutaavoq.
Kortit suut atorlugit akiliisimatilluni suliamik aallartitsisinnaaneq, atuisut nittartagaani atuarneqarsinnaavoq:
http://www.finansraadet.dk/Bankkunde/Pages/Betalingskort---indsigelsesmuligheder.aspx
- Neriuutigaarput ooritai tigoqqinnissaanik ikiorsinnaassallugit. Kortimik akiliisimappata Visa Kortit, Mastercardid immikkut malittarisassartaqaramik. Immikkut periarfissaqaramik banki aqqutigalugu utertinniarneqarnissaannik, Malene Lynge oqarpoq.
Internetsikkut isumannaatsumik pisiniartoqassappat, kortit atorneqassasut innersuuppai.
- Timmisartuussinissamut billetsimik pisinianiaraani internetsikkut isumatusaarnerussaaq kortimik akiliilluni. Pissutigalugu malittarisassat mastercard-inut visakortinut atortut pisisartunut illersuuisuunermmata.
Aamma atuaruk Greenland Expressip angalanissat maangaannartippai
- Grønlandsbankip najoqqutassai apeqqutaapput, Malene Lynge oqarpoq.
Timmisartuutileqatigiiffiup pisortaa Gert Brask Septembarip qulingiluaata kingorna aatsaat oqaaseqarsinnaanerarpoq.
