Great Greenland ajornartorsiorpoq

Suliffeqarfik 2012-mut aningaasanut inatsissatut siunnersuummi 12 millionit koruuninik aningaasaliiffigineqarpoq. Taamaattumik Great Greenlandip siunissaa Naalakkersuisunut aarlerilersitsivoq.

- Suliffeqarfik ukiorpassuanngortuni ajornartorsiuteqarsimavoq, suliffeqarfiullu siunissamut isigisumik piviusorsiortumik, puisillu amiinik pisiortornerup ungasinnerusoq isigalugu nalilersoqqinnissaa siunertaralugu qulaajaasoqarnissaa pisariaqarpoq, Aningaasaqarnermut Naalakkersuisoq, Maliina Abelsen oqarpoq.

Tunisakinnermut pissutaasut arlaqarput, nunarsuarmi aningaasaqarnikkut ajornartorsiorneq EU-mullu puisit amiinik eqqusseqqusiunnaarneq ilaatigut pingaarnertut pissutaapput. Naak aamma nunanut EU-mut ilaasortaasunut tunisisinnaaneq naggueqatigiinnut Inunnut ammaanneqaraluartoq aamma tamanna pivoq.

Ukiumut nalunaarusiami atuarneqarsinnaavoq, puisit amiinik pisiortorneq 2006-imi 112.000-niit 2010-mi 69.000-nut appariarsimasoq.

2011-mut missingersuutit naapertorlugit kaaviaartitanit 15,2 millionit koruuniusunit sinneqartoorut 100.000 koruuni naatsorsuutigineqartoq.