Great Greenland 8 millioni koruuninik pisariaqartitsivoq
Namminersornerullutik Oqartussat pigisaat Great Greenland A/S aningaasatigut ajornarsiorluni ilungersunartorsiormat, suliffeqarfiup ingerlanneqarneranut aningaasanik atugassanik Namminersornerullutik Oqartussanut qinnuteqartariaqarsimavoq.
Allattoq Jaaku Lyberth
juunip 15-at 2009 06:31
Nunanut allanut tunisat ikippallaarnerat pissutaalluni aningaasatigut ajornartorsiorneq tunngaviuvoq.
Namminersornerullutik Oqartussanut aningaasatigut qinnuteqaat naalakkersuisunut paasissutissiissutigineqarnerani tamanna takuneqarsinnaavoq. Suliffeqarfik maannakkutut ingerlaanneqarnera ataannassappat, suliffeqarfik 8 millioni koruuninik aggustip aallaqqaataani Namminersornerullutik Oqartussanit pisariaqartitsivoq. Great Greenland, siorna 2008-mi 5,3 mio. koruuninik amigaartooruteqarpoq. Great Greenlandip nunanut allanut tunisai unittuujusavissimmapput, taamaattorli Kalaallit Nunaanni tunisat amerliartorlutik. Suliffeqarfik Great Greenland Qaqortumi 39-nik sulisoqarpoq, Nuummi marlunnik Upernavimmilu ataatsimik sulisoqarluni.
