Grønlandsbankenip SIFI-tut taaneqarnissani sulissutigaa
Nunatsinni aningaaserivinni niuernerup 80 procentiata missaa Grønlandsbankimit isumagineqarpoq. Tamatuma kinguneranik aningaaserivik suliffeqarfittut SIFI-mik taaguuserneqartussatut toqqagaasinnaavoq. Suliffeqarfiit taama taaguuserneqartartut tassaapput aningaaseriviit inuiaqatigiit aningaasaqarnerannut pingaarutillit.
- Danmarkimi inuiaqatigiit aningaasaqarnerannut aningaaserivipput pingaaruteqarpallaanngilaq, Kalaallit Nunaannili niuernerup 80 procentiata missaa isumagigatsigu tassani inuiaqatigiit aningaasaqarnerannut aningaaserivipput pingaaruteqarpoq, taamaammallu suliffeqarfittut SIFI-mik, toqqaasussat suliartik naammassippassuk, taaguuserneqarnissarput naatsorsuutigaarput, Martin B. Kviesgaard, Grønlandsbankenip pisortaanera finanswatch.dk-mut oqarpoq.
- Ukiut arlallit suliffeqarfiit SIFI-tut taasat assiginerorusussimavagut.
- Aningaaserivik suliffeqarfittut SIFI-tut taaneqaraangat aningaasaateqarluarnissaa piumasaqaataasarpoq, tassami aningaasarliortoqalissagaluarpat eqqugaannginnissaa pingaaruteqarmat, Martin B. Kviesgaardilu naapertorlugu Grønlandsbankenip tamanna piumasaqaat angusinnaavaa.
