Grønlandsbanken qasukkarpoq
Aningaaseriviup Grønlandsbankenip umiatsiaararsortunut aningaasaliisarunnaarniarluni sapaatit akunnnerani kingullermi nalunaarutini manna qasukkarpaa.
Aalisartut aalisarnermik inuuussutissarsiuteqareersut aningaasalersorneqarnerisa ingerlatiinnarneqarnissaat aningaaseriviup tusagassiuutinut nalunaaruteqarluni aammaappaa.
Aningaaserivik aalisalerlaanut aningaasanik taarsigassarsisitsisarnianngilaq.
Aningaaseriviup tusagassiuutinut nalunaarutaa napertorlugu qasukaanermut pissuteqarpoq
aalisarnermut Naalakkersuisoq Jens Immanuelsen oqarmat, aalisarsinaanermut akuersissutinik tunniussissarnermik unitsitsissallutik pisassiissutillu siunissami ikilineqassasut piujuaannartitsinermut naapertuuttumik.
Tamannalu piujuaannartussamik ingerlatsisoqarnissaannut kajumissaaruterput tusaaneqartutut tiguarput” aningaaserivimmi pisortaq Martin Kviesgaard oqarpoq.
Oqaaseqaatit taamatut ittut Jens Immanuelsenip ukiormanna siusinnerusukkut oqaatigeernikuuvai.
Qeqertarsuup tunuani Qaleralittassiissutit innersuussutigineqartunit marloriaatinngortinneqarmata, umiatsiaararsortut qaleralinniaannarsinnaanissammata.
Taamani Jens Immanuelsen ima allappoq,
Naalakkersuisut maannakkut sulissutigaat aqutsiverqarfik 47-mi killeqanngitsumik pisassiissutigineqartut atorunnaarsinneqarnissaasa nalilersuiffiginissaat aammalu Qeqertarsuup Tunuani aalisarsinnaanermut akuersissutinik tunniussisarnerup unitsinneqarnissaa.
INaalakkersuisuut siorna decemberimi nalunaarput, sinerissap qanittuani qaleralittassiissutit ukiut sisamat tulliuttut ingerlaneranni ikiliartuaartinneqasssut, taamaakkaluartorli Qeqertarsuup tunuani qaleralittasiissutit siornamut sanilliullugit ukiormanna amerlanerupput.
Aalisarnermut Naalakkersuisup oqariartuutaata piviusunngortinneqarnissaa aningaaserivimmit neriuutigineqarpoq:
- Isumaqarpugut Jense Immanuelsen aalisartut ikilinissai aamma pisassarititat aaliangersorneqarnissai pillugit isumaqataanera piujuaannartussamik ingerlatsisoqarnissaanut erseqqissaasoq, aningaaseriviup Grønlandsbankenip pisortaa Martin Kviesgaard tusagassiuutinut nalunaarummi taama oqarpoq.
