Kalaallit Nunaat uumasuusivissuarmi ilisimasassarsiorfigineqarsinnaalissaaq
Suliniut ukiuni arlaqartuni piareersarneqarpoq, taanna aningaasaateqarfimmit Spar Nord Fondenimit fem million kr-nik tapiiffigineqarpoq, taamaalillunilu piviusunngortinneqarnissaanut qanilliallalluni.
Suliniummi ilisimasassiorneq Sikumiuni 'Ekspedition Sikumiut' ni uumasuusivissuaq Aalborg nunarsuarmi siullersaalluni immikkoortortaqarfeqalissaaq, Kalaallit Nunaannut tunngasunik taamaallaat sammisaqarfisumik, Aalborgimi uumasuusivissuaq tusagassiuutinut nalunaaruteqarluni taama paasissutissiivoq
'Ilisimasassarsiornermi Sikumiuni' uumasut kisimik pineqanngillat, Kalaallit Nunaat tamaat, pinngortitaq, inuit minnerunngitsumillu kalaallit nunaanni kulturi sammineqarput.
- Uumasuusivissuup Kalaallit Nunaannut imikkoortortaqarfiani nunaqarfimmi inuuneq paasisaqarfigineqarsinnaavoq, piniartumik oqaloqateqarnermi puisinniarnerminik misilittakkani oqaluttuarisinnaagamigit, imaluunniit sanaluttartumik oqaloqateqartoqarsinnaavoq, tupilliortarnerminik oqaluttuartumik, uumasuusivissuarmi Aalborg Zoo-mi pisortaaq Henrik Johansen taama nassuiaateqarpoq.
AAMMA ATUARUK Aalborg Zoo Nunatsinnut tunngasumik immikkoortortaqalissasoq
Aningaasaateqarfimmit Spar Nordimit aningaasat pissarsiarineqartut atorlugit pilersaarutigineqartut tamarmik pisinnaalissapput.
Kalaallit Nunaat pillugu ilisimasaqarnerulernissanut tapersersuerusuppugut, naalagaaffeqatigiinnerup ilaanut assissaqanngitsumut, Steffen Nørgaard, aningaasaateqarfimmi Spar Nordimi pisortaq taama oqarpoq.
Suliniummi ilisimatuut misissuisarfiannik immikkoortortaqarfeqassaaq, taanna Aalborg Universiteti suleqatigalu ineriartortinneqassaaq, Kalaallit Nunaat pillugu ilisimasanik ingerlatitseqqiffiussalluni.
AAMMA ATUARUK Aalborgip Uumasuusivissua Nunarput pillugu immikkut sammisaqarfiussasoq
