GOG ajorsaraluarluni DM-imi bronzinnappoq
Assammik arsartartut Minik Dahl Høegh aamma Akutaaneq Kreutzmann sungiusaasortik Jakob Larsen arsartartoqatitillu GOG Koldingimi assammik arsartartunut KIF Koldingimut marloriarlutik unammigamik ajugaapput taamaalillutillu bronzinnallutik.
Allattoq Camilla Dam, Ritzau
maajip 28-at 2016 16:45
Nutserisoq Jaaku Lyberth
Koldingimut unammeqqinnermi GOG ajorsarpoq 26-nik isertitaqarluni Kolding 29-nik isertitaqarpoq, unamminermili siullermi GOG 32-nik isertitaqarluni ajugaasoq Kolding 27-nik isertitaqarpoq, taamaalilluni assammik arsartartoqatigiit kalaallinik arlaqartunik arsartartoqartoq danmarkimi assamik arsarluni pissartnngorniunnermi normu 3-nngorpoq isertinneqartut katillutik 58-56-nik isertitaqarlutik.
Minik Dahl Høegh GOG-mi isertitaqarnerpaavoq katillugit arfineq pingasunik iseritaqarami Akutaaneq Kreutzmann ataatsimik isertitaqartoq.
GOG ukiuni kingullerni arfineq pingasuni medaljannassimani aatsaat medaljannappoq.
