Futsalimik GM-ernermi unammersuaarniartut

Futsalimik pissartanngorniuunnerit Maniitsumi pisussat ullumi sisamanngornermi aallartissapput. Tamatuminngalu Kâgssagssuk Maniitsumeersoq ukioq manna ukiut 80-nngortorsiortoq aaqqissuisuuvoq. 

Pissartanngorniuunnerit pissanganarluinnassapput. IT-79-kkut Nuummeersut, ukioq kingulleq pissartaasut, qularnanngitsumik ukioq manna aamma pissartanngorusupput. Arsartugissaaqigamillu angusarissaarnissaat qularnanngilaq. Unammeqqaalerunik Kâgssagssuk unammissavaat. 

N-48-kkut Ilulissaneersut ukioq kingulleq sølvinnapput, ukiunilu kingullerni angusarinnerit ilaanniittarput sølvinnallutillu bronzinnattarlutik. Taakku finalimut anngutissappata tupaallannartuunavianngilaq. Sisamanngornermi pissartanngorniuunnerit ammaanersiorlugit NÛK unammissavaat.

B-67 Nuummeersut ukioq kingulleq ingerlanerloqalutik tupaallannartumik pissartanngorniuunnerni kingulliit aappaattut inissipput. Taakku taamak inissittarneq sungiusimanngilaat ukiormannalu angusarinnerit ilaannut akulerutissanersut piffissap takutikkumaarpaa. Unammeqqaalerunik K-33 Qaqortumeersoq unammissavaat. 

Kâgssagssuk pissartanngorsinnaaguni klubbimut isumalerujussuussaaq. Ukioq manna pissartanngorniuunnerit Maniitsumi pissapput klubbilu ukiuni 80-nngortorsiorluni nalliuttorsiorluni. Kâgssagssukkut piumassuseqarluinnarlutik unammisaqattaartussaanerat qularnanngilaq, taamaammat semifinalimut anngunnissaat ilimanaateqarluarpoq. 

Unammisussat:
Sisamanngorneq
18:00    Nagdlunguak    Nûk
19:00    B-67    K-33
20:00    FC Malamuk    K-64
21:00    Kâgssagssuk    IT-79
        
Talimanngorneq
17:00    Nagdlunguak    T-41
18:00    FC Malamuk    Kugssak
19:00    Nûk    B-67
20:00    K-64    Kâgssagssuk
21:00    K-33    T-41
22:00    IT-79    Kugssak  
Arfininngoreq
11.00     Nagdlunguak  B-67
12.00     Nûk                  K-33
13.00    FC Malamuk   Kâgssagssuk
14.00    K-64 I               T-79

Arfininngorneq8.april (KNR 2)
15:00 KNR2: GM Futsal 2017 
15:00 B-67 T-41 
16:00 Nagdlunguak K-33 
17:00 Kagssagssuk Kugssak 
18:00 FC Malamuk IT-79 
19:00 Nûk T-41 
20:00 K-64 Kugssak
Sapaat 9,april (KNR 2)
12:00 Semi 1 P.1 nr.1 P.2 nr.2 
13:30 Semi 2 P.1 nr.2 P.2 nr.1 
15:00 Nr. 5 
16:30 Nr. 7 
18:00 Bronzekamp 
19:30 Finale

Uanmmisaqattaartussat:

Pulje 1
Nagdlunguak, Ilulissat
Nûk, Nuuk
B-67, Nuuk
K-33, Qaqortoq
T-41, Aasiaat

Pulje 2
FC Malamuk, Uummannaq
K-64, Kuummiut
Kagssagssuk, Maniitsoq
IT-79, Nuuk
Kugssak, Qasigiaanguit