Nuummi sakkortuumik ikuallattoqarnerani pinerluttoqarsimaneranik pasinartoqanngilaq
Pinerluttuliortoqarsimaneranik takussutissaqanngitsoq misissuinermi paasineqarneqarpoq, Sermersuup politiivineersoq Taatsi Frederiksen KNR-imut oqarpoq.
Angutit 23-nik ukiullit putsumik kuliltitalimmik najuussuillutik ajunaarsimasut, nakorsat toqusimasunik misissuisartut taama inerniliipput.
Aamma atuaruk Ikuallattoqarnera ajunaartoqarneralu attuingaatsiartoq
Paarnani arfininngornermi ullaakkut sakkortuumik ikuallattoqarneranut atatillugu Nuummi politiit inunnik arlalinnik ilisimannissinnaasunik takunnittunillu apersuereerput.
Ikuallattoqarnerani angutit marluk inissiami ilisimanngitsut naammattoorneqarput, angut alla 21-nik ukiulik inissiap ikuallannerani inissiamiittoq, aneerasartarfimmiit pissippoq annallunilu.
Angut taanna napparsimavimmit ippassaq angerlartoq, politiit nalunaarput.
Aamma atuaruk Nuummi Nuussuarmi inissiaq ikuallammat angut 23-nik ukiulik ajunaarpoq
Ikuallattoqarsimaneranik misissuisartut Danmarkimeersut, sakkortuumik ikuallanneq sumit aallaaveqarnersoq misissussavaat.
Nuummi politiit ikuallanerup sumik allaaveqarneranik eqqoriarsinnaanngitsut, Taatsi Frederiksen Sermersooq politiivineersoq oqarpoq.
Ikuallattoqarsimatillugu misissuisartut Danmarkimeersut apriilip qulingiluaanni Nuummut tikissasut, politiit nalunaarput. Påskernissaa taamatullu nunatsinnut nunatsinniillu angalaniarnerit pissutigalugit aprilimi aatsaat tikissapput, Taatsi Frederiksen KNR-imut nassuiaavoq.
Aamma atuaruk Qatserisartoq: Kalerrisaarutit inuunermit akikinnerupput
Aamma atuaruk Inissiani attartortut qulit sakkortuumik ikuallattoqarnerani eqqorneqarput
Aamma atuaruk Arfininngormat ikuallanneq inuunermik naleqaqqippoq
