VIDEO Qatserisartoq: Kalerrisaarutit inuunermit akikinnerupput
Sapaatip akunnerata naanerani Nuummi inissiat ilaanni tupannaqisumik ikuallattoqarnerata kingunerani putsumut kalerrisaarutit immikkut maluginiarneqalerput.
Allattoq Nathan Kreutzmann, Camilla Dam
Kalerrisaarut plastikkiusoq mikisunnguaq qilaanut ikkunneqarsinnaasoq ini putsersimatillugu nipituumik niliortartoq inuunernik annaassisinnaavoq.
-Pinngitsoorsinnaanngilarput taamaattumik peqarnissaq, pissutigalugu inuup inuuneranik akikinneralaarsuuvoq, qatserisartoq Ulrik Møller nassuiaavoq.
Aamma atuaruk VIDEO Ikuallattoqarnera ajunaartoqarneralu attuingaatsiartoq
Inger Jensenip qatserisartoq isumaqatigilluiaanrpaa.
- Pingaaruteqarpoq, tamatta sillimasariaqaratta. Kikkulluunniit ikuallattoornermik eqqugaasinnaapput.
INI A/S inissiaataannut iserternermi kalerrisaarutinik pissarsisoqarsinnaasoq inissiaatileqatigiiffimmullu batterinik aallertoqaannariaasoq INI A/S-init ilisimatitsissutigineqarpoq.