PITUFFIK Suliariumannittussarsiuussinermut malittarisassat nutaat Namminersorlutik Oqartussat akuerisimavaat
![](/sites/default/files/styles/image_934x467/public/article_images/nuuk-center-foto-klaus-euge_0.jpg?itok=7lbnJzjL)
KNR Radiaviisip Nunanut allanut tunngasunut ministereqarfimmi allagaatinik takunnissinnaatitaanermik pissarsereerluni tamanna paasivaa.
Tassani takuneqarsinnaavoq Namminersorlutik Oqartussat nunanut allanut allaffeqarfiani, Nunattalu Danmarkimi sinniisoqarfiani atorfikkaat Qallunaat nunanut allanut tunngasunut ministereqarfiani ukiaanerani 2013-imi qaammatini arlalinni Pituffimmi sullissisussarsiortarnermi aalajangiinermi tunngavissanik allannguutissanik siunnersuusiorlutik suleqataasimasut.
Aamma atuaruk USA-p Pituffimmut tunngatillugu ilisimatitsissuteqarnera ministereqarfiup tusaanngitsoorsimagaa
Aammattaaq takuneqarsinnaavoq, Nuummi Inuussutissarsiornermut- Akileraartarnermullu Naalakkersuisoqarfimmeersut allannguutissatut siunnersuutit akuerisimagaat.
Namminersorlutik Oqartussanit, maannakkut Naalakkersuisuusuniit, Naalakkersuisullu siuliinnit pisortatigoortumik nassuiaataasarsimasoq tassaagaluarpoq, Kalaallit Nunaata sullissisussarsiornermi malittarisassat nutaat ilisimasimanngikkai. Malittarisassat nutaat pissutigalugit suliffeqarfik Exelis Service A/S ukiormanna oktobarimiit Pituffimmi sullissisuulissaaq.
Eqqartorneqartut eqqortuusimanngillat. Taarsiullugu atorfilittat piumasaqaatit oqaasertassaat aaqqissuusseqataaffigisimavaat, naggataagut amerikami sakkutuut timmisartortartut pillugit sullissisussarsiornermut ilanngunneqartoq, tassalu suliffeqarfik qallunaat kalaallilluunniit pigisarissagaat, piginneqatigiiffiunani allanit aqutaq.
Aamma atuaruk Qujaukitsoq: Aaqqiagiinnginneq malittarisassatigut aaqqinniassavarput
Sullissisussarsiornermi malittarisassat allanngortinneqarnerannut pissutaapput, qallunaat annilaangatigimmassuk EU-mi malittarisassanik unioqqutitsisoqarsinnaanera, Danmarkimmi suliffeqarfiit Pituffimmi sullisserusuttut maannamutut akuereqqaartartussaammagit.
Ullumi saqqummersunut ilaapput, Nunanut allanut tunngasunut ministereqarfiup qallunaat malittarisassaat pillugit nassuiaanissamut USA ikiorusussimanngikkaa; suliffeqarfik qallunaat inatsisaat malillugu qaqugukkut piginneqatigiiffimmik taaneqarsinnaasarnersoq.