VIDEO Qujaukitsoq: Aaqqiagiinnginneq malittarisassatigut aaqqinniassavarput
Tamatumani danskit amerikamiullu illersornissaq pillugu isumaqatigiissutaanni saqitsaannermut tunngasut, Nunanut allanut tunngasunut naalakkersuisup, Vittus Qujaukitsup, sakkussaalluartutut nalilerpai.
AAMMA ATUARUK Inatsisartuni ataatsimiititaliaq Pituffimmut tunngatillugu Vittus Qujaukitsumut tunuliaqutsiivoq
- Illersornissamut isumaqatigiissummi aalajangersakkat saqitsaannermut tunngasut aallaavigilertussaassavagut. Taamatullu nunatsinnit aamma atorfilittatigut nunatta tamakkiinerusumik pissarsiaqartalernissaa anguniarlugu isumaqatigiinniariartortussanik aamma aallartitaqartussanngorluta, Vittus Qujaukitsoq KNR-imut oqarpoq.
Illersornissamut isumaqatigiissutip isumaqatigiinniutigeqqinnissaa piviusorsiunngilaq
Greenland Contractorsip isumaqatigiissuteqaqqinngitsoornera pissutigalugu, illersornissamut isumaqatigiissutip isumaqatigiinniutigineqaqqinnissaa Vittus Qujaukitsup piviusorsiortutut isiginngilaa, soorlu Danmarkip nunanut allanut tunngasunut ministeria taama aamma naliliisoq.
AAMMA ATUARUK Lidegaard: USA Pituffiup atorneranut akiliuteqartalernissaa piviusorsiortuunngilaq
- Taassuma allanngortinniarnissaa ajornaatsuinnaanavianngilaq. Aamma oqaatigereersinnaanngilara, taanna aqqutissaasinnaassanersoq, Nunanut allanut tunngasunut naalakkersuisoq, Vittus Qujaukitsoq, KNR-imut oqarpoq.
