VIDEO Kofoeds Skole Nuummi ammaassaaq
- Inuuniarnikkut ulorianartorsiorsinaasunik sullissinissaq soorunami siunertaavoq, Kofoeds Skolep Danmarkimi pisortaa, Robert Olsen, oqarpoq.
Kofoeds Skolemik suleqateqalerneq Kommuneqarfik Seermersuumi nuannaarutigeqaat.
Innuttaasut inuunerminnut nammineerlutik akisuusaanerulernisannut ikiornerini Kofoeds pingaarutilerujussuarmik ilapittuuteqartoq, borgemester Asii Chemnitz Narup nassuiaavoq.
Aamma atuaruk VIDEO 73-nik ukiulik tupermi qiulerluni najugaqartoq
Tamannalumi Kofoed Skolep sulinerani aallaaviulluinnartoq, Robert Olsen nassuiaavoq.
- Naleqartitaq Kofoeds Skolemi sulinitsinni aallavigisarput tassavoq, imminut ikiulernissaannut ikiuunneq. Nammineq inissisimaffik pitsaanerulersinniaraanni namminew iliuuseqartariaqarpoq, Robert Olsen oqarpoq.
Nuummi Kofoeds Skolemi pisortaalersussat sulisuulersussallu tamarmik Nuummi sulisussarsiarineqassapput.
Danmarkimi Kofoeds Skole taamaallaat ilisimasanik misilittakkanillu tapersiissasoq, Robert Olsen erseqqissaavoq, oqarlunilu Kofoed Skole taamannak tunngaveqarluni nunani allani 20-ni atuarfinnik taamaattunik aallartitsereersimasoq.
Isumaginninnermut naalakkersuisoq Martha Lund Olsen atuarfiup ammarnissaanut aamma qilanaarpoq.
Aamma atuaruk Borgmesteri: Inissaaleqineq alianarpoq
Danmarkimi Kofoed Skole 1928-mili atuuppoq. Taanna suliffissaaleqisut inuuniarnikkullu ulorianartorsiortut ornittarpaat, sulliviinilu sulillutik, atuarnermi peqataallutik pitsaanerusunillu inuuneqalernissamut siunnersorneqarlutik aqqutissiuunenqarlutillu.
Atuisut sulinertik nerinikkut, atisassarnikikkut atisaminnik errorsinikkut ulluinnarnilu pisariaqartitanik pissarsinikkut akissarsissutigisarpaat.
