Ilisimatuut nannut angalaartarfiimik misissuilersut
- Tunumi nannut amerlassusaannik ilisimasagut ima killeqartigaat ilisimatuussutsikkut piujuartitsinermillu tunngaveqartumik pisassiissuteqarsinnaaneq siunertaralugu siunnersuinernik naammassisaqarsinnaanata allaat”, Pinngortitaleriffimmi Miluumasunut Timmissanullu Immikkoortortami pisortaq Fernando Ugarte erseqqissaavoq.
Aamma atuaruk Nanoq Qaqortup eqqaani takuneqarpoq
Danmarkimi avatangiisinut qullersaqarfik, Den danske Miljøstyrelse, aningaasaliisoralugu Tunumi piniartunik nannunniartartunik apersuinerit aallartinneqarput, taakkunani piniartut sikup nannullu pissusaasa allannguutigisinnaasaannik malussarsimasinnaanerannik tusarniaavigineqarlutik
Apersuinerni taakkunani aamma Pinngortitaleriffimmeersut Tunumi nannunik 2019-ip tungaanut misissuiniarnerini pitsaanerusumik pilersaarusiorsinnaanissaq anguniarlugu piniartut isumasiorneqassapput.
Aamma atuaruk Nannut Svalbardimi nujuillisoorutigineqartut
Pinngortitaleriffimmi misissuinerni inernerit kingulliit takutippaat nannut arnavissat ukiuni makkunani 1990-ikkunnut sanilliullugu 10-15 procentimik sivikinnerusumik sikumiittalersimasut.
Nannut imartani sikuusartuni sumiiffigisartakkaminni qaammatinik marlunnik sivisunerusumik sikuunikinnerujussuarmiittalersimapput, tassa imartani 60 procentia inorlugu sikuunikinnerulersimasuni uumaniartariaqalersimammata. Paasissutissat pineqartut tamarmik takutippaat Tunup imartaani siku ilumut annikinnerulersimasoq.
