GHF: 2013 ukiuuvoq pisimasulissuaq
Angutit nunanut allanut Pilersuisoq A/S-imit aamma Elite Sport Greenlandimit anigaasaliivigineqartarnertik iluaqutigalugu Panamerikanske mesterskaber turneringimut peqataanissaminnut piareersaleruttorput, ukioq 2015-imi VM-imut peqataanissaq siunnerfigalugu, GHF-imi siulittaasoq Nuka Ole Berthelsen taama allappoq.
Ukiuni qulinngortuni sinneqartuni arnat nunanut allanut unammisartoqarneq uninngatinneqartoq ukioq manna siulersuni issiasut unittooqqaneq tamaanga killeqartinniarlugu sulissuteqaleruttorput. Siulersuisut isumaqatigiilluinnarlutik Arnanat Nunanut allanut unammisartut ataatsimiititaliaanik pilersitsipput neriuutigalugu aningaasaliisussamik nassaartoqarumaartoq.
- Ukioq 2014 aallarnerfigalugu Arnanut Nunanut allanut unammisartugut sungiusaasussaat atorfeqartitsinermut isumaqatigiissut nutarterneqassaaq. Taannalu ullumi makkunani inissinneqarnissaa naatsorsuutigineqarpoq. Sungiusaasunngortussaq Kalaallit Nunaanni Assammik Arsartatut Kattuffiani nalunnginneqarluarpoq, tassalu siornatigut Angutit Nunanut Allanut unammisartutta sungiusaarsorisimavaat, ukioq 2007-imi VM-imut anngutinnikuai. Tassuuna annertuumik isumalluarpugut, siunertaavoq ukioq 2015 arnat nunanut allanut unammisartutta VM-imut anngunnissaat, Nuka Ole Berthelsen allappoq.
Kalaallit Nunaanni Assammik Arsartartut Kattuffiata maanna nalunaarutigisinnaalerpaa aappaagu ukioq 2014 tassaassasoq kingumut Kalaallit Nunatsinni pissarttanngorniuttoqartarnerani peqataaffigineqarnerpaaq:
Inersimasuni eqimattat 17-it, U-18-ini eqimattat 9-t, U-16-ini eqimattat 11-t kiisalu U-14-ini eqimattat 14-t-it, katillutik eqimattat 51-it. Ukioq 2014 tassaassaaq U-14-inik taaguutillit siullerpaameerlutik Kalaallit Nunatsinni pissartanngorniutsinneqartussat.
