- Siusippallaaqaaq, Gerda Knudsen nunatta ammaqqinnissaa pillugu oqarpoq. Assi: KNR

Gerda nunatta ammaqqinnissaa pillugu: Siusippallaaqaaq

Timmisartukkut angallanneq marsip 20-anni unitsinneqarpoq. Masssakkulli nunatta ammaqqinnissaa ullulerneqarpoq.

Nunarput juunip 15-iani ammaqqissaaq.

Tamanna Kim Kielsenip partiillu siuttuisa ippassaq ataasinngornermi saqqummiuppaat.

AAMMA ATUARUK Ulloq kiisami aalajangerneqarpoq: Nunarput juunip 15-iani ammaqqissaaq

Nunatta ammariartoqqinnera pingasunik immikkoortoqassaaq - tassa immikkoortoq siulleq juunip 15-iani aallartissaaq.

KNR Nuuk Centerimiippoq, inuillu naapitagut nunatta ammaqqinnissaa pillugu assigiinngitsunik isumaqarput.

 

Nunatta ammaqqinnissaa toqqissisimanartoq, Itillip atuarfiani aqutsisoq, Viktoria Joelsen, isumaqarpoq.

- Toqqissisimaffigivara. Aappaatigut soorunami nangiarnalaarsinnaavoq nappaatip siaruaatipallaqqissinnaanera, kisianni tusaasakka malillugit sillimaniarneq annertummat toqqissisimanarivara taannartaa. Neriuutigivara siaruaateqqissanngitsoq.

- Aasamut nunanut allanukarnissaq takorlooraluarparput feriessalluta, ukiorli billetsisinikuugatta. Nangialaarpugut kisianni soorunami naalaarpugut suli allanngortinngikkallarpagut. Neriukkaluarpugut!

Maasi Brøns Chemnitz, ilinniartoq.

- Ajorinngilara, tassami sillaniarput tamanullu ammaanatik. Suna tamaat ataatsikkut ammalinngilaq, tassami ullut tamaasa inuit 600-t tikinnavianngillat.

- Taamaattumik ajorinngilara. Aasiannili tunillatsisimasumik nassaartoqarnera ernumanarpoq. Taamaattoqarnera eqqarsalersitsivoq, ammaaqqinneq pissusissamisoorpa? Kisianni soorlu ajornavianngitsoq, tassami qaammatit kingulliit ajunngilluinnartumik malinnaanikuuvugut.

Gerda Knudsen, peqqinnissamut ikiorti.

- Nunatta iluani angalaneq ajunngilaq kisianni avataani uatsilaaq, kingusinnerusukkut taanna piumaarparput, nunguumippat imaluunniit tusarsaarpiarunnaarpat. Suli siusippallaartutut isigivara avataaninngaanniit ingammik takornarianik tikerartoqassappat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat