Politikki

GE-p mamakujunnut akitsuut pillugu suleriuserineqartoq naammaginngikkaa

Akitsuummut akiliutigineqartussaagaluit Naalakkersuisunit unitsiinnarneqartut sulisitsisut peqatigiiffiannit GE-mit nuannaarutigineqaraluarlutik tamanna tulluusimaarutiginissaanut naammanngitsoq GE isumaqarpoq.

Allattoq Jonas Fievé

apriilip 01-at 2016 13:43

Nutserisoq Connie Fontain

Akitsuutit atuutilissasut siullermik aalajanngiunneqarpoq, aaqqiivigineqartussallu nalunaarutigineqartut kingorna taamaatiinnarneqarput.

- Suliatik suliarilluarsimanngilaat, akitsuutimmi nutaat pillugit tunngaviusumik nuannaarutiginngilagut. Poltikerillu amerlanerussuteqartut kissaateqarnerisigut aningaasat matussuserneqarnissaat aalajanngerpassuk taaava naatsorsuutigissavarput suliap iluamik suliarineqarnissaa inerneqarnissaalu, GE-mi pisortaq Brian Buus Pedersen oqarpoq.

Aamma atuaruk Akitsuutinut akiligassanngortitat Naalakkersuisunit atorunnaarsinneqarput

Politikkikkullu aqutseriutsimut nunatsinni inuussutissarsiortut tatiginninnerat akitsuutinik suliaqarnerannik innarlerneqarsinnaanera, Brian Buus Pedersenip ernummatigaa.

- Matumani tatiginninneq pingaaruteqaqaaq. Politikkerinimmi suliaqartunik tatiginninngikkutta aningaasaliisukinnerulissaaq, kingunerisaanillu aningaasaleerusussinnaasut tunuarsimaartut amerlissapput, Brian Buus Pedersen Qanoruumut oqarpoq.

Aamma atuaruk Aningaasaqarnermut ataatsimiititaliap Naalakkersuisut isornartorsiorai