Mittarfiit GE: Neriorsuutisi attanniarsigit

Qaqortumi, Nuummi Ilulissanilu mittarfiliornissamut pilersaarutit, Attaveqaqatigiinnermut naalakkersuisunngorlaap Simon Simonsenip attammagit, Sulisitsisut naalakkersuisoq nersualaarpaat:

- Naalakkersuisoq naalakkersuisullu nersorumavagut erseqqissumik politikkikkut oqaaseqarnerannut, GE-p illoqarfinni pingasuni taakkunani immikkoortortaqarfii taama ilaatigut allagaqaateqarput.

Simon Simonsenilli maanna puullaaqqinera paasisinnaanerarpaat, mittarfiimmi allanik takissusilernissaannik politikkikkut maanna imaqartut silaannarmut miloriunneqartut oqaatigaat:

- Politikkikkut pissigarunnaarniaritsi, tamannami ukiorpassuarni oqaluuserineqareernikuuvoq. Maanna aalajangersinnaannginneq ukiuni 30-ni ingerlareerpoq, GE oqarpoq, nangillunilu:

- Tamannalu akissaqartinngilarput. Nalunngilarput, maanna mittarfinnut atatillugu inaarutaasumik politikkikkut aalajangiussinissaq annertuumik aningaasaliisussanit aammalu nutaanik inuussutissarsiornermi ineriartortitserusuttunit utaqqineqarmat, Jens-Peter Pars, Nungo Pederesn Per Holmilu, GE-meersut, tusagassiutinut taama ilaatigut allaaserisaqarput.