GBU-p DBU-llu Nunatsinni isikkamik arsaanneq peqatigiillutik ineriartortinnialeraat
![](/sites/default/files/styles/image_934x467/public/user_pictures/PoulsenOle_Qaqortoq__fodboldens_aar_arsartartut_ukiuat_2010.jpg?itok=NJE9V7YM)
Arsaattarfiit pitsaavallaanngitsut taassuma matumani eqqartorpai, nunatsinni isikkamik arsaattarnerup ineriartorneranut ajornartorsiutaanerat ilaatigut oqaatigalugu.
Pissutsilli aaqqiivigineqalerput.
Danmarkimi arsaattartartut kattuffiat DBU nunatsinni arsaattarnerup ineriartortinneqarnissaanut immikkut iliuuseqarnialerpoq, "Kalaallit Nunaanni arsaattarnerup ineriartortinneqarnissaa"-nik taallugu immikkut iliuuseqarnialersaarluni.
Nunatta isikkamik arsaattartut kattuffissuinut FIFA-mut UEFA-mullu ilaasortaalersinnaanissaanut suleqatigiilluni anguniarneqarnissaa pingaarnertut suliniutigineqassalluni.
Kalaallit Nunaanni isikkamik arsaattarnermi assigiinngitsutigut aningaasaliisoqarneratigut ineriartortitsisoqarniarpoq, arsaattarfiit ivigaaraasallit angisuut amerlanerit ilaatigut pilersinneqarniarlutik, arsaattartullu amerlineqarnissaannut assigiinngitsutigut aaqqissuussisoqarniarluni.
AAMMA ATUARUK Arsaattarfiit ivigaaraasallit amerlanerit nunanut allanut sungiusaasup ujartorpai
DBU-p siulittaasua Jesper Møller isikkamik arsaalluni Qasigiannguani pissartanngorniunnerni najuuppoq, Kalaallit Nunaannilu Isikkamik Arsaattartut siulittaasuat John Thorsen, Kultureqarnermullu naalakkersuisoq Nivi Olsen ataatsimeeqatigalugit.
Kalaallit Nunaanni isikkamik arsaattarnerup ineriartortinneqarnissaa pillugu ukiumut 1,5 millionit koruunit atorniarneqarput, soqutigisaqaqatigiit assigiinngitsut aningaasaliinerisigut matussuserniarneqarlutik.
Kalaallit Nunaannilu Isikkamik Arsaattartut siulittaasuata John Thorsenip DBU-p isumaqatigiissuteqarfigineqarnera nuannaarutigaa.
- FIFA-mut UEFA-mullu ilaasortanngornissarput kissaatigisatta annerit ilagaat, aamma DBU-p suleqatiginissaa qilanaaraarput, John Thorsen taama oqarpoq.