Inuussutissarsiorneq pillugu ataatsimeersuartarneq, Future Greenland ukiut allortarlugit pisarpoq.Assi: Marie Kristensen/KNR

Future Greenland ukioq manna taamaatiinnarneqartoq

Inuussutissarsiorneq pillugu ataatsimeersuartitsineq Future Greenland aappaagu juulip ulluisa 17-ianni 18-iannilu pisussatut maanna pilersaarutigineqarpoq.

Inuussutissarsiorneq pillugu ukiut allortarlugit ataatsimeersuartarneq, Future Greenland, ukioq manna maajip ulluisa 18-ianni 19-iannilu pisussatut pilersaarutigineqaraluartoq aappaagumut kinguartinneqarpoq, aappaagu juulip ulluisa 17-ianni 18-iannilu pisussatut maanna pilersaarutigineqarluni.

Sulisitsisut tusagassiutinut taama nalunaaruteqarput.

Sulisitsisut ataatsimeersuartitsisussaagaluarput, nunatsinnit nunaniillu allanit peqataasartut 400-t missaanniikkajuttarlutik.
Covid-19-ip ajornartoortitsinera pissutaalluni killilersuinerit, akiuussusiinissamillu pilersaarutit allanngungaassatinneqannginnerat pissutaallutik ukioq manna ataatsimeersuartitsisinissaraluaq taamaatiinnarneqarpoq:

- Killilersuinerit apriilip naanissaata tungaannut atuuttussaapput, sivitsorneqaratarsinnaallutillu, ataatsimeersuarnissamullu peqataasussat killeqarsinnaanerat pissutaalluni ukioq manna ataatsimeersuarnissaq aappaagumut kinguartissallugu aalajangerparput, Sulisitsisuni pisortaq Christian Keldsen KNR-imut oqarpoq.

Future Greenland inuussutissarsiorneq pillugu nunatsinni ataatsimeersuartarnerni annerpaavoq, Issittumi suliffeqarfiit politikerillu ilaatigut peqataasarlutik.

Arfineq-aappassaa ukioq manna ataatsimeersuartoqartussaagaluarpoq, qaammatillu sisamat qaangiuppata aatsaat ataatsimeersuartoqartussaagaluartoq taamaatitsiinnarneq siusikkunartoq Sulisitsisut miserratiginngilaat:

- Tamanna tunngavilersuuutigineqarsinnaavoq, ataatsimeersuaritsinerilli allat qiviarutsigit ataatsimeersuartitsinissaq ilumut aaqqissuunneqarsinnaasoq nalornisigineqarpat, ataatsimeersuartitsinissallu aallartingajalernerani aatsaat taamaatitsiinnartoqarpat ajornartorsiulersinnaavugut. Taamaammat taamaatitsinissamik siusissumik nalunaaruteqarnissarput  pingaartissimavarput, Sulisitsisut pisortaat Christian Keldsen oqarpoq.

Inuussutissarsiorneq pillugu ataatsimeersuartitsineq Future Greenland ukioq manna maajip ulluisa 17-ianni 18-iannilu pisussatut pilersaarutigineqaraluarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat