Futsalertut sapaatip akunnerata naanerani tv-kkut aallakaatinneqassapput
KNR poorskip nalaani timersortunik aallakaatitsissaaq. Sapaatip akunnerata naanerani futsalimi pissartanngorniuuttut malinnaaffigisinnaavatit. Kingusinnerusukkullu sulorarnermi, snowboardernermi, nerrivimmi arsaarannermi, sangusaarnermi ujakkaarnermilu pissartanngorniuunnerit malinnaaffigisinnaassavatit.
Allattoq Tikaajaat kristensen
apriilip 11-at 2014 10:32
Timersortunik aallakaatitsinerit aqagu aqqanernut aallartissapput, futsalerlutik Maniitsumi unammisut kvartfinalerneranniit KNR-ikkut  aallakaatinneqassagamik.
Tallimanngorneq tannaartoq arfininngornerlu poorski sioqqullugu, apriilip 18-iat 19-iallu, Sisimiuni nerrivimmi arsaararlutik unammisunit ujakkaarlutillu unammisunit KNR-TV-kkut aallakaatitsissaagut. Nuummiillu sulorarluni unammisunit aallakaatitsissalluta.
Poorskip sapaataani, apriilip 21-anni, Snowboarderlutik Freestyle Ski-erlutillu Nuummi unammisut aallakaatinneqassapput, aallakaatitsinerillu naggaserlugit marlunngorneq, poorskip ulluisa aappaanni, apriilip 22-ani, sangusaarnermi unammersuaartut aallakaatinneqassallutik.
