Frimærkit nutaat ullumi saqqummerput

Nunatsinni frimærkilerinermi ukioq 2014 nangeqattaartunik nutaarluinnarnik aallartinneqarpoq. Camilla Nielsenip kalaallit erinarsuutaat nunap ilaani aalajangersimasumeersut isumassarsiffigalugit nunamik titartakkat kusanaqisut ilisarnartullu marluk titartarsimavai. Nangeqattaartut aallartipput Tunumit Nunattalu Kujataaniit erinarsuutinik titartakkanillu. Meqqit helarkitut saqqummissapput.
Allattoq Nutaarsiassaqartitsivik / Nyhedsredaktionen
januaarip 20-at 2014 07:52

Ukioq manna Sepac-frimærkimut assiliartaliunneqarpoq assiliisup John Rasmussen-ip assilisaa. Sepac-inut ataatsimoorullugu 2014-imi qulequtaavoq ’Naasut’. Pisarnertut frimærki aamma ataatsimoorullugu Sepac Souvenirmappetut ’Beautiful Corners of Europe’-tut pineqarsinnaavoq. Nangeqattaartut EUROPA-t qulequtaq ’Inuiaat nipilersuutaat’ naapertorlugu 2014-imi saqqummiunneqassapput. Eqqumiitsuliortup Frederik ’Kunngi’ Kristensenip assiliartat marluusut tamaasa suliarai nangeqattaartunut POST Greenlandimit ilanngunneqartussaasut.

Qangali pisarnerput malillugu EUROPA-meqqit nunatsinneersut helarkitut, småarkitut aammalu nipiteriaannartut hæftinngorlugit.

Ukioq manna frimærkip nalinganut tapiliussaq saqqummiunneqassaaq nalingi Nuummi angerlarsimaffeqanngitsunut tunniunneqartussanngorlugit. Frimærki titartarneqarpoq Niels ’Mo’ Motzfeldt-imit saqqummissaarlu helarkitut aammalu kusanaqisumik miniarkinngorlugu.

Januarimi saqqummiussineq naggaserneqassaaq frimærkinik marlunnik nunatsinni aatsitassarsiornerup oqaluttuassartaanit nangeqattaartuneersunik, Ina Rosing-ip aammaarluni kusanartuliaanik. Tamanna nangeqattaartuni taakkunani tallimassaa saqqummersitsineruvoq. Ukiut kingulliit sisamat assigalugit aatsitassarsiorneq pillugu frimærkit nipiteriaannavittut saqqummiunneqassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq