Franskit cirkusianni Nuummi meeqqat 570-it

Sébastien Bergery soorlu asuli innermik anitsisarlunilu, nakkaasaqarnaveersaarnermik aamma angakkuarnernik takutitsisaqattaarpoq.

"Nuummi Franskisut ullut" pingasut ullumi aallartipput, pisussallu amerlanerpaat Katuamiissapput.

Cirkusimik takutitsinermi meeqqat 570-t isiginnaariarput.

Ulluni tullerni pisussat ilagaat franskit filmiliaannik pingasunik takutitsinissaq. Filmit franskisut oqaasertaqartut qallunaatut kalaallisullu allagartalersorneqarsimassapput. ”Nanoq”, ”Meqqulinnik uumasorniaq kingulleq" aamma ”Illineq Taakisooq”.

"Illineq Takisooq"-mi filmilioqataasoq Jean-Michel Huctin aamma oqalugiarumaarpoq.

Frankrigi nuna suunersoq assinik saqqummersitsinikkut aamma nittarsaanneqassaaq.

"Kalaallit Nunaat Frankrigilu - siunissamut piareeraqatigiitta" qulequtaralugu Katuami ualeru nalunaaqutaq pingasunut ataatsimeersuarneq aallartissaaq - sammineqassallutik kulturimut, ilisimatusarnermut politikkimullu tunngasut.

Katuami pisut avataatigut Ilisimatusarfimmi Nuummilu atuarfinni allanik pisussaqassaaq.

Katuaq, den grønlandske Protokol aamma Franskit Danmarkimi aallartitaqarfiat pisussanik aaqqissuisuupput. Isernerit akeqassanngillat.