Frankrigip ministeriunera: Saassussinerit allat piareersarneqarput
Frankrigip Europamilu nunat allat saassunneqarnissaannut piareersaasoqaleruttortoq aamma oqaatigaa, saassussinissalli allat aamma aasarli pinngitsoortissimagitsik oqaatigalugu.
Saassussiniarnerigaluit arfineq-marluk qaammatit arfinillit kingulliit ingerlaneranni pinngitsoortissimagitsik, Tuluit ministeriunerata David Cameronip oqaatigaa.
AAMMA ATUARUK Kunngissaq: Parisimi pinerliineq ajortunit piliaavoq
- Muslimit ingasaassiniat killisiorneqarsinnaanissaannut inatsisitigut periarfissaqarpugut, nunatsinnillu saassussisoqarnissaanik oqaaseqartartut saassunneqarsinnaanissaannut periarfissaqarluta, David Cameron RTL Radiomut oqarpoq.
Parisimili tallimanngormat saassussinerit Syriami aaqqissorneqarlunilu pilersaarusiorneqarsimasoq Manuel Vallsip oqaatigaa.
Pinerliinianilli Islamisk Statimeersunik saassussinerit pingaartumik Irakimi pisartut taassuma aamma oqaatigaa.
Aamma atuaruk Kalaaleq Parisimiittoq: Takusat amiilaarnaqaat
Tallimanngormat saassussisoqarnerup kingorna pakasaalluni 150-eriarluni misissuisoqarsimasoq Vallsip oqaatigaa.
Misissueqqissaarnerit assigiinngitsut ullumi naammassineqarsimapput, pingaartumillu Lyonimi misissueqqissaartoqarsimalluni, inuillu tallimat aamma tigusarineqarsimallutik.
Sakkut assigiinngitsut aamma arsaarinnissitigineqarsimapput.