Frankrigip Italiallu akornanni kuussuit qarsutsineranni ajornaartoqartoq
Frankrigip Italiallu akornanni qaqqartuumi ulloq unnuarlu kingulleq siallingaatsiarpoq, inuillu ikinnerpaamik arfineq-pingasut ajunaarsimapput amerlasuullu maqaasineqarlutik. Inuit allat ajunaarsimanissaat aamma ernummatigineqarpoq. Tuluit nutaarsiassaqartitsiviat Reuters taama allappoq.
Tamaani oqarasuaatikkut attaveqaatit ajalusoorput, taamaammat inuit tuusintilikkaat attaveqarfigineqarsinnaanatik.
AAMMA ATUARUK Sikup Issittumi aakkiartornera sukkatsikkiartortoq
Anorersuarujussuaq Aleximik taaguuserneqarsimasoq pissutaalluni sialussuarpoq, kuussuillu qarsutsimmata ajornartorsiulertoqarpoq.
Frankrigip kujasissortaani illoqarfiup Nicep eqqaani illoqarfiit, Italiamut killeqarfiup nalaaniittut nalunaaquttap akunneri 24-t kingulliit ingerlaneranni 60 centimeterinik siallerpoq.
Frankrigip ministeriunerata Jean Castexip nunap immikkoortui sialussuarmit eqqorneqarsimasut sapaammi qulaavaavai aseruatiternerit tassani nalilersueqataaffigalugit. Inuppassuit maqaasineqartutut nalunaarutigineqarnissaat taassuma ernummatigaa. Nutaarsiassaqartitsivik Reuters taama allappoq.
